chiragh e mah liya tujh ko dhundti ghar ghar tamam rat main yaqoot chun rahi thi magar'' A beautiful ghazal by parveen shakir

چراغِ ماہ لیے تجھ کو ڈھونڈتی گھر گھر

تمام رات میں یاقوت چُن رہی تھی مگر

یہ کیا کہ تری خوشبو کا صرف ذکر سُنوں

توعکسِ موجہ ءِ گُل ہے تو جسم وجاں میں اُتر

ذرا یہ حبس کٹے،کُھل کے سانس لے پاؤں

کوئی ہوا تو رواں ہو، صبا ہو یا صَر صَر

گئے دنوں کے تعاقب میں تتلیوں کی طرح

ترے خیال کے ہمراہ کر رہی ہوں سفر

ٹھہر گئے ہیں قدم،راستے بھی ختم ہُوئے

مسافتیں رگ وپے میں اُتر رہی ہیں مگر

میں سوچتی تھی،ترا قرب کچھ سکوں دے گا

اُداسیاں ہیں کہ کُچھ اور بڑھ گئیں مِل کر

ترا خیال،کہ ہے تارِ عنکبوت تمام

مرا وجود،کہ جیسے کوئی پُرانا کھنڈر

پروین شاکر