Qalel Ho Ka Ziyada Muhabbat Ho " A Beautiful Urdu Ghazl By sauod usmani

قلیل ہو کہ زیادہ ' مگر محبت ہو

 کسی طرح بھی محبت ہو ' پر' محبت ہو

 تمام عمر بھلا کون زندہ رہتا ہے

 سوائےاسکےجسے عمر بھر محبت ہو

 مجھے تو چین نہ پڑتا تھا جب محبت تھی

 یہ شخص بیٹھ نہ پائے اگر محبت ہو

 قبائے نم ! یہی حق ہے برستی بارش کا

 خراب کرتی شرابور تر محبت ہو

 تو جانتا نہیں کتنی دراز ہوتی ہے

 اگر یہ زندگیء مختصر محبت ہو

 ہر ایک جھیل پہ مرغابیاں نہیں آتیں

 محبتوں کے لیے سربسر محبت ہو

 جو ایک بار کے قائل ہیں ان سے پوچھیے گا

وہ کیا کرے جسے بار ِدگر محبت ہو

 تو ایک شخص مجھے بھول جانا چاہیے نا

سعود مجھ کو اگر راس ہر محبت ہو

 (سعود عثمانی)

khushboo ki tarteeb hawa kay raqas main ha '' A beautifull urdu ghazal by parveen shakir

خوشبو کی ترتیب ، ہَوا کے رقص میں ہے

 میری نمو ، میرے ہی جیسے شخص میں ہے

 وہ میرا تن چُھوئے ، من میں شعر اُگائے

 پیڑ کی ہریالی بارش کے لمس میں ہے

 سوچ کا رشتہ سانس سے ٹوٹا جاتا ہے

 لُو سے زیادہ جبر فضا کے حبس میں ہے

 دن میں کیسی لگتی ہو گی، سوچتی ہوں

 ندی کا سارا حُسن تو چاند کے عکس میں ہے

 میری اچھائی تو سب کو اچھّی لگی

 اُس کے پیار کا مرکز میرے نقص میں ہے

 ایسی خالی نسل کے خواب ہی کیا ہوں گے

جس کی نیند کا سَر چشمہ ہی چرس میں ہے!

 <پروین شاکر>

Bahar Rut Main Ujar Rastay Taka kro Gay Tu Ro Paro Gay A Beautiful Urdu Ghazal

 بہار رُت میں اجاڑ راستے ، تکا کرو گے تو رو پڑو گے

کسی سے ملنے کو جب بھی محسن ، سجا کرو گےتو رو پڑو گے

 تمھارے وعدوں نے یار مجھ کو ، تباہ کیا ہےکچھ اس طرح سے

 کے زندگی میں جو پھر کسی سے ، دغا کرو گے تو رو پڑو گے

 میں جانتا ہوں میری محبت ، اجاڑ دے گی تمہیں بھی ایسی

 کے چاند راتوں میں اب کسی سے ، ملا کرو گے تو رو پڑو گے

 برستی بارش میں یاد رکھنا ، تمہیں ستائیں گی میری آنکھیں

 کسی ولی کے مزار پر جب دعا کرو گے تو رو پڑو گے . . .

Ya Basti Jani Pahchani Bohat HAi " A Beautiful Urdu Ghazal By iftkhar arif

یہ بستی جانی پہچانی بہت ہے

 یہاں وعدوں کی ارزانی بُہت ہے

 شکستہ لفظ لکھے جا رہے ہیں

 مگر لہجوں میں ویرانی بُہت ہے

سبک ظرفوں کے قابو میں نہیں

 لفظ مگر شوقِ گل افشانی بُہت ہے

 ہے بازاروں میں پانی سر سے اونچا

مرے گھر میں بھی طغیانی بُہت ہے

 نہ جانے کب مرے صحرا میں آئے

 وہ اک دریا کہ طوفانی بُہت ہے

 نہ جانے کب مرے آنگن میں رہے  

 وہ اک بادل کہ نقصانی بُہت ہے

  

Halat K Qadmoon MAin Qalandar Nahi Girta " A Beautiful Urdu Ghazal By qateel shafai,

حالات کے قدموں پہ قلندر نہیں گرتا

 ٹوٹے بھی جو تارا تو زمیں پر نہیں گرتا

 گرتے ہیں سمندر میں بڑے شوق سے دریا

 لیکن کسی دریا میں سمندر نہیں گرتا

 سمجھو وہاں پھلدار شجر کوئی نہیں ہے

 وہ صحن کہ جِس میں کوئی پتھر نہیں گرتا

 اِتنا تو ہوا فائدہ بارش کی کمی سے

 اِس شہر میں اب کوئی پھسل کر نہیں گرتا

 انعام کے لالچ میں لکھے مدح کسی کی

 اتنا تو کبھی کوئی سخنور نہیں گرتا

 حیراں ہے کوئی روز سے ٹھہرا ہوا پانی

 تالاب میں اب کیوں کوئی کنکر نہیں گرتا

 اس بندہء خوددار پہ نبیوں کا ہے سایا

جو بھوک میں بھی لقمہء تر پر نہیں گرتا

 کرنا ہے جو سر معرکہِ زیست تو سُن لے

 بے بازوئے حیدر، درِ خیبر نہیں گرتا

 قائم ہے قتیل اب یہ میرے سر کے ستوں پر

 بھونچال بھی آئے تو مرا گھر نہیں گرتا

Ghazal Qasmain Sataroon Ki day Kar Araz e Karain " A Beautiful Urdu Gahzal

َدائیں حشر جگائیں، وُہ اِتنا دِلکش ہے،
خیال حرف نہ پائیں، وُہ اِتنا دِلکش ہے،

چمن کو جائے تو دَس لاکھ نرگسی غنچے،
زَمیں پہ پلکیں بچھائیں، وُہ اِتنا دِلکش ہے،

غزال قسمیں ستاروں کی دے کے عرض کریں،
حُضور! چل کے دِکھائیں، وُہ اِتنا دِلکش ہے،

اُداس غنچوں نے جاں کی اَمان پا کے کہا،
لبوں سے تتلی اُڑائیں، وُہ اِتنا دِلکش ہے،

وُہ پنکھڑی پہ اَگر چلتے چلتے تھک جائے،
تو پریاں پیر دَبائیں، وُہ اِتنا دِلکش ہے،

یہ شوخ تتلیاں ، بارِش میں اُس کو دیکھیں تو،
اُکھاڑ پھینکیں قبائیں، وُہ اِتنا دِلکش ہے،

حلال ہوتی ہے پہلی نظر تو حشر تلک،
حرام ہو جو ہٹائیں، وُہ اِتنا دِلکش ہے،

جو کام سوچ رہے ہیں جناب دِل میں اَبھی،
وُہ کام بھول ہی جائیں، وُہ اِتنا دِلکش ہے،

سرہانے میر کے ٹُک فاتحہ کو گر وُہ جھکے،
تو میر شعر سنائیں، وُہ اِتنا دِلکش ہے،

غزال نقشِ قدم چوم چوم کر پوچھیں،
کہاں سے سیکھی اَدائیں، وُہ اِتنا دِلکش ہے،

اَگر لفافے پہ لکھ دیں، ملے یہ ملکہ کو،
تو خط اُسی کو تھمائیں، وُہ اِتنا دِلکش ہے،

ستارے توڑ کے لانے کی کیا ضرورت ہے،
ستارے دوڑ کے آئیں، وُہ اِتنا دِلکش ہے،

جفا پہ اُس کی فدا کر دُوں سوچے سمجھے بغیر،
ہزاروں ، لاکھوں وَفائیں، وُہ اِتنا دِلکش ہے،

ہم اُس کے چہرے سے نظریں ہٹا نہیں سکتے،
گلے سے کیسے لگائیں، وُہ اِتنا دِلکش ہے،

نجومی دیر تلک بے بسی سے دیکھیں ہاتھ،
پھر اُس کو ہاتھ دِکھائیں، وُہ اِتنا دِلکش ہے،

تمام آئینے حیرت میں غرق سوچتے ہیں،
اُسے یہ کیسے بتائیں، وُہ اِتنا دِلکش ہے،

صنم کی تجھ کو قسم قیس روک دے یہ غزل،
رفیق مر ہی نہ جائیں، وُہ اِتنا دِلکش ہے،

kbhi sihra tara lahja kabhi barish tari batain '' A Beautiful ghazal by nina adil

ایک ذوالقافیتین غزل

 کبھی صحر ا تر ا لہجہ ، کبھی بارش تری باتیں

 کبھی ٹھنڈا ترا لہجہ ، کبھی آتش تری باتیں

 یہی شیرینی و تلخی طبیعت سیر کرتی ہے

 کبھی کڑوا ترا لہجہ ، کبھی کشمش تری باتیں

 نہیں کوئی طبیبِ دل ستم مائل ترے جیسا

کبھی پھایا ترا لہجہ ، کبھی سوزش تری باتیں

 اندھیرا ہے اگر ڈوبے اگر ابھرے تو سورج ہے

 کبھی کورا ترا لہجہ ، کبھی دانش تری باتیں

بھڑکتی بجھتی ہے پل پل چراغِ زندگی کی لَو

 کبھی رسیا ترا لہجہ ، کبھی رنجش تری باتیں

 متاعِ زیست ہے نیناؔ یہی غربت یہی دولت

کبھی کاسہ ترا لہجہ ، کبھی بخشش تری باتیں

 نیناؔعادل

koi suhani sham ho tara mata sath ho A beautiful urdu ghazal

برستی بارش میں دل کی آواز ...

کوئی سہانی شام ہو ،

تیرا میرا ساتھ ہو

 میرے ان ہاتھوں میں

 بس تیرا ہاتھ ہو

 کالے گہرے بادل چھائیں ،

کڑکے بجلی زوروں سے

 سرد ہوا ہو ، رم جھم ہو

، پیار کی برسات ہو

 بھیگیں دونوں مل کر جاناں ،

ایسے سہانے موسم میں

 تیری میری چاہت کی ،

 جو پہلی ملاقات ہو

 مٹ جائیں احساس سبھی ،

 گر آجاؤ تم بانہوں میں

 ہم کو خبر ہی نہ ہو جاناں ،

دن ہو یا کہ رات ہو

 میرے سوالوں جوابوں میں،

اور خیالوں حجابوں میں

 کوئی ہے تو بس اک تم ہو ،

 بس تمہاری ہی ذات ہو

 تم کو چاہا تم کو سوچا ،

 مانگا ہے رب سے بهی تجھے

 شامی تم جو مجھے مل جاؤ

، تو یارا کیا بات ہو ؟

bighnay ka ek musalsal silsla barish main ha A beautiful urdu ghazal

  بھیگنے کا اک مسلسل سلسلہ بارش میں ہے

 کیا کسی موسم میں ہوگا جو مزا بارش میں ہے

یُوں کُھلی سڑکوں پر مت پھرنا کہ موسم غیر ہے

اک تو موسم غیر، پھر ٹھنڈی ہوا بارش میں ہے

آسماں کا عکس پانی میں اُترتے ہی کُھلا

آئینے کے سامنے،اک آئینہ بارش میں ہے

 ایسا منظر بس اِسی موسم میں دیکھا جائے ہے

 اک کنارا دھوپ میں اور دوسرا بارش میں ہے

 سانس لیتے پھل ، لچکتی ٹہنیاں ، ہنستے گلاب

 ایسا منظر بھی سرِ شاخِ حیا ، بارش میں ہے

 معجزے سے کم نہیں، یہ زندگی اپنی متین

جیسے تاریکی میں اک جلتا دِیا، بارش میں ہے

kal halki halki barish thi kal taiz hawa ka raqas bhi tha A beautiful urdu ghazal

کل ہلکی ہلکی بارش تھی

 کل تیز ہوا کا رقص بھی تھا

 کل پھول بھی نکھرے نکھرے تھے

کل ان پہ آپ کا عکس بھی تھا

 کل بادل کالے گہرے تھے

 کل چاند پہ لاکھوں پہرے تھے

 کچھ ٹکڑے آپ کی یاد کے

 بڑی دیر سے دل میں ٹھرے تھے

کل یادیں الجھی الجھی تھیں

 اور کل تک یہ نہ سلجھی تھیں

 کل یاد بہت تم آئے تھے

 کل یاد بہت تم آئے تھے

firaq yar ki barish malal ka mosam A beautiful urdu ghazal by mohsain naqvi

فراق یار کی بارش ملال کا موسم

 ہمارے شہر میں اترا کمال کا موسم

 وہ اک دعا جو میری نامراد لوٹ آئی

 زباں سے روٹھ گیا پھر سوال کا موسم

 بہت دنوں سے میرے ذہن کے دریچوں میں

 ٹھہر گیا ہے تمہارے خیال کا موسم

 جو بے یقیں ہوں بہاریں اجڑ بھی سکتی ہیں

 تو آ کے دیکھ لے میرے زوال کا موسم

 محبتیں بھی تیری دھوپ چھاؤں جیسی ہیں

 کبھی یہ ہجر کبھی یہ وصال کا موسم

 کوئی ملا ہی نہیں جس کو سونپتے”محسن

” ہم اپنے خواب کی خوشبو، خیال کا موسم

محسن نقوی

kabhi barish kabhi Aankhoon main duwaan hota ha A beautiful urdu ghazal

کبھی بارش کبھی آنکھوں میں دہواں ہوتا تھا

 اس طرح ہجر خیالوں میں رواں ہوتا تھا                  

     

کوئی دیوار نہ دوڑی مرے آگے پیچھے

میرے کہنے پہ کبھی دشت رواں ہوتا تھا

 تیری آنکھوں میں کوئی عکس نہ ابھرا

 جس کا اک جزیرہ مرے خوابوں کا جہاں ہوتا تھا     

        

ایک بوڑھے سے شجر پر کہیں لکھا ہوگا

نام تیرا جو کبھی وردِ زباں ہوتا تھا

 تو نہیں ہوتا تھا اطراف میں گرچہ میرے

تیرے ہونے کا مگر مجھ کو گماں ہوتا تھا        

                         

کشتیاں چھیننے والا تو ابھی زندہ ہے

   وہ کوئی اور ہے جو عبرت کا نشاں ہوتا تھا

ایسی بستی سے گزرنا بھی پڑا ہے ہم کو

جس کے ہر کوچے میں غوغائے سگاں ہوتا تھا    

                  

 ہر طرف واعظ و مفتی کا اندیشہ اب ہے

ہائے یہ شہر کبھی شہرِ بتاں ہوتا تھا

جس جگہ تیری حویلی ہے کھڑی، شہزادی

میرے پرکھوں کا یہاں ایک مکاں ہوتا تھا     

                    

آج دیکھا سرِ بازار پھٹے حالوں اسے تیرا شاعر

  جو کبھی شوخ بیاں ہوتا تھا

خاک اڑتی ہے خموشی سے جہاں اب میری

ایک شعلہ سا یہاں رقص کناں ہوتا تھا

   لوگ لیتے تھے مرے ہاتھ کا بوسہ

   اشعر میرا کردار کہانی میں بیاں ہوتا تھا

Aankhain ho gai pur nam barishaoon k mosam main A beautiful urdu ghazal titel udas barish

   

آنکھ ہو گئی پرنم بارشوں کے موسم میں

 کس قدر ہیں تنہا ہم بارشوں کے موسم میں

 درد بھی ہے ہلکا سا ان اداس لمحوں میں

 چین بھی ہے کچھ مدہم بارشوں کے موسم میں

 بہہ گئے بوندوں میں آس کے گھروندے بھی

 پھر ملا نیا اک غم بارشوں کے موسم میں

سرد سرد راتوں کی خنکیوں میں لہجے بھی

منجمد ہوئے پیہم بارشوں کے موسم میں

 بخت سو گئے لیکن جاگتی رہیں آنکھیں

 نیند یوں ہوئی کم کم بارشوں کے موسم میں

 داستان ہجراں میں بے کلی کے زخموں پر

وصل پھر بنے مرہم بارشوں کے موسم میں

 یوں قبا ہے بھیگی کہ جسم و جاں سلگتے ہیں

 لوٹ آؤ نا ہمدم بارشوں کے موسم میں

 چپ لب مگر شیریں گنگنا رہا ہے

 دل کیا عجیب ہے سرگم بارشوں کے موسم میں 

Mukh ko khonay wali ha dunya ronay wali ha barish honay wali ha A beautiful urdu ghazal

مجھ کو کھونے والی ہے.

دنیا رونے والی ہے.

جلدی چھتری لے کر آ.

بارش ہونے والی ہے.

 تیری صورت صدیوں سے.

رونے دھونے والی ہے.

 اب تو اجا گھر اجا.

 رات بھی سونے والی ہے.

کھیل میں رخصت کردی ہے.

 گڑیا رونے والی ہے.

 آنکھ تمہاری صحرا سی.

رات بھگونے والی ہے.

میری ذات کا محور وہ.

 لڑکی کونے والی ہے. 

اسامہ امیر

piyas dil ki barha gai barish A beautiful urdu ghazal

رگ و پے میں سما گئی بارش

 پیاس دل کی بڑھا گئی بارش

 طاق _ نسیاں کی خامشی میں پھر

 جل ترنگ اک بجا گئی بارش !

 دیکھ نیرنگی _ تمنا ، دوست

 دھوپ چاہی تھی ، آ گئی بارش !

 کیا خبر ابر کے سفیروں کو

کتنی شمعیں بجھا گئی بارش !

 تو کہیں بھیگتا نہ ہو تنہا

ایک دھڑکا لگا گئی بارش

 بند کھڑکی کے صاف شیشوں پر

عکس تیرا بنا گئی بارش

 آج مٹھی جو کھول کر دیکھا

 نام تیرا مٹا گئی بارش

 وقت _ رخصت تجھے نہیں معلوم

 کتنے آنسو چھپا گئی بارش

 قطرہ قطرہ گری مگر پھر بھی

 زخم گہرا لگا گئی بارش

 چشم _گریاں سے چشم_حیراں تک

 اک دھنک سی بچھا گئی بارش

 گنگنانے لگیں تری یادیں

 تار غم کے ہلا گئی بارش !

کھل گئیں آشنایاں کیا کیا

 گرد _ ماضی ہٹا گئی بارش

 تیرے بے لاگ بھیگ جانے پر

 اپنا مشکیزہ ڈھا گئی بارش

 ڈاکٹر احمد ندیم رفیع

Kal Chohdvi Ki Chand Thi Shab Bhar Raha Charcha Tara " A Beautiful Urdu Ghazal By Muhammad Mateen,

 کل چودھویں کی رات تھی، شب بھر رہا چرچا تیرا

 کچھ نے کہا یہ چاند ہے، کچھ نے کہا چہرا تیرا

 ہم بھی وہیں موجود تھے، ہم سے بھی سب پُوچھا کیے

ہم ہنس دیئے، ہم چُپ رہے، منظور تھا پردہ تیرا

 اس شہر میں کِس سے مِلیں، ہم سے تو چُھوٹیں محفلیں

ہر شخص تیرا نام لے، ہر شخص دیوانہ تیرا

کُوچے کو تیرے چھوڑ کے جوگی ہی بن جائیں مگر

جنگل تیرے، پربت تیرے، بستی تیری، صحرا تیرا

تُو باوفا، تُو مہرباں، ہم اور تجھ سے بدگماں؟

 ہم نے تو پوچھا تھا ذرا، یہ وصف کیوں ٹھہرا تیرا

بے شک اسی کا دوش ہے، کہتا نہیں خاموش ہے

 تو آپ کر ایسی دوا، بیمار ہو اچھا تیرا

ہم اور رسمِ بندگی؟ آشفتگی؟ اُفتادگی؟

 احسان ہے کیا کیا تیرا، اے حسنِ بے پروا تیرا

دو اشک جانے کِس لیے، پلکوں پہ آ کر ٹِک گئے

 الطاف کی بارش تیری اکرام کا دریا تیرا

اے بے دریغ و بے اَماں، ہم نے کبھی کی ہے فغاں؟

 ہم کو تِری وحشت سہی ، ہم کو سہی سودا تیرا

ہم پر یہ سختی کی نظر، ہم ہیں فقیرِ رہگُزر

رستہ کبھی روکا تیرا دامن کبھی تھاما تیرا

       ہاں ہاں تیری صورت حسیں، لیکن تُو اتنا بھی نہیں

 اس شخص کے اشعار سے شعر ہوا کیا کیا تیرا

بے درد، سُنتی ہو تو چل، کہتا ہے کیا اچھی غزل

عاشق تیرا، رُسوا تیرا، شاعر تیرا، اِنشا تیرا

محمدمتین ۔

Abar K Charoon Taraf Bar Laga Di Jay " Beautiful Urdu Ghazal

   

 اَبر کے چاروں طرف باڑ لگا دی جائے۔۔"

مفت بارِش میں نہانے پہ سزا دی جائے۔۔

 سانس لینے کا بھی تاوان کیا جائے وُصول،

سب سِڈی دُھوپ پہ کچھ اورگھٹادی جائے۔۔

 رُوح گر ہے تو اُسے بیچا ، خریدا جائے،

وَرنہ گودام سے یہ جنس ہٹا دی جائے۔۔

 قہقہہ جو بھی لگائے اُسے بِل بھیجیں گے،

 پیار سے دیکھنے پہ پرچی تھما دی جائے۔۔

 تجزیہ کر کے بتاؤ کہ منافع کیا ہو،

 بوندا باندی کی اَگر بولی چڑھا دی جائے۔۔

آئینہ دیکھنے پہ دُگنا کرایہ ہو گا،

بات یہ پہلے مسافر کو بتادی جائے۔۔

 تتلیوں کا جو تعاقب کرے چالان بھرے،

 زُلف میں پھول سجانے پہ سزا دی جائے۔۔

یہ اَگر پیشہ ہے تواِس میں رِعایت کیوں ہو،

 بھیک لینے پہ بھی اَب چُنگی لگا دی جائے۔۔

کون اِنسان ہے کھاتوں سے یہ معلوم کرو،

 بے لگانوں کی تو بستی ہی جلا دی جائے۔۔

 حاکمِ وَقت سے قزاقوں نے سیکھا ہوگا،

 باج نہ ملتا ہو تو گولی چلا دی جائے۔۔

 کچی مِٹّی کی مہک مفت طلب کرتا ہے،

قیس کو دَشت کی تصویر دِکھا دی جائے"۔

Kamal Zabt Ka Ya Aakhri Hunar Bhi Gaya " A Beautiful Urdu Ghazal By Sauod Usmani,

کمال ِضبط کا یہ آخری ہنر بھی گیا

میں آج ٹوٹ کے رویا اور اس کے گھر بھی گیا

 یہ دکھ ہے اس کا کوئی ایک ڈھب تو ہوتا نہیں

 ابھی امڈ ہی رہا تھا کہ جی ٹھہر بھی گیا

عجیب غم تھا قبیلے کے حرف کار کا غم

 کہ بے ثمر بھی گیا لفظ ، بے اثر بھی گیا

 یہ ایک پل ، یہ مرا دل ، یہ زرد رنگ کا پھول

ابھی کھلا بھی نہیں تھا ، ابھی بکھر بھی گیا

یہ دشت زاد بگولا ، یہ رقص خو درویش

 اگر میں ٹھیر گیا تو یہ ہم سفر بھی گیا

اگرچہ خلوت ِ جاں سی اماں نہ تھی

 لیکن یہ میرا زخم طلب دل اِدھر اُدھر بھی گیا

سعود عشق بھی لاحق تھا اور زندگی بھی

سو مندمل نہ ہوا اور زخم بھر بھی گیا

 (سعود عثمانی ) "بارش "

Mara Sukoot Mari Ghutagu Samajhti Hai " Beautiful Urdu Ghazal

 مرا سکوت ۔۔۔۔مری گفتگو سمجھتی ہے

مرے مزاج کو تُو۔۔۔صرف تُو سمجھتی ہے ۔

 کبھی تو بھیج محبت کی بے بہا بارش

مری زمین کو کیوں بے نمو سمجھتی ہے ۔

 میں کھینچتا ہوں ورق پر لکیر اداسی کی

 وہ سادہ دل اسے میرا لہو سمجھتی ہے ۔

 کچھ اس لیے بھی خموشی اٹھائے پھرتا ہوں

کہ سچ کہوں تو یہ دنیا عدو سمجھتی ہے ۔

 یہ صرف تم ہو جسے مجھ سے بدگمانی ہے

 وگرنہ خلق تو مجھ کو گرُو سمجھتی ہے ۔

میں اپنے دل میں ہوں ناکامیوں پہ شرمندہ

اور ایک وہ کہ مجھے سرخرو سمجھتی ہے ۔

 اسے مرید کروں گا۔۔۔۔۔۔۔۔۔۔۔۔ اس آستانے کا

 جو کار۔ عشق کو طوق۔گلُو سمجھتی ہے ۔ ۔ ۔

 ع ر واصفؔ

Thak Gaya Hun Main Akala Sa Sitarah Tara " A Beautiful UrdU Ghazal By iftkhar bukhari

  

تھک گیا ہوں میں اکیلا سا ستارہ تیرا

دور کتنا ہے ابھی رات، کنارا تیرا

ایک بارش ترے احسان کی کافی ہے مجھے

میں جو پھرتا ہوں سمیٹے ہوئے گارا تیرا

 آئنہ ٹوٹے گا اک روز یہ کہہ کر مجھ سے

 اب نہ ہوگا کبھی دیدار دوبارہ تیرا

رات بھر جاگتی رہتی ہے مری بے خوابی

 لوٹ کر آیا نہیں خواب نظارہ تیرا

 دور ہلتے ہیں کسی سایہء امید کے ہاتھ

جانے کس دشت میں مارے گا اشارہ تیرا

افتخار بخاری