Na qarz e nakhun e gul nam ko lun hawaoon apni gur hain Ap kholoon '' A beautiful ghazal by parveen shakir

نہ قرضِ ناخنِ گُل ، نام کو لُوں

ہَوا ہوں ، اپنی گرہیں آپ کھولوں

تری خوشبو بچھڑ جانے سے پہلے

میں اپنے آپ میں تجھ کو سمولوں

کُھلی آنکھوں سے سپنے قرض لے کر

تری تنہائیوں میں رنگ گھولوں

ملے گی آنسوؤں سے تن کو ٹھنڈک

بڑی لُو ہے ، ذرا آنچل بھگو لوں

وہ اب میری ضرورت بن گیا ہے

کہاں ممکن رہا ، اُس سے نہ بولوں

میں چڑیا کی طرح ، دن بھر تھکی ہوں

ہُوئی ہے شام تو کُچھ دیر سولوں

چلوں مقتل سے اپنے شام ، لیکن

میں پہلے اپنے پیاروں کو تو رولوں

مرا نوحہ کناں کوئی نہیں ہے

سو اپنے سوگ میں خُود بال کھولوں

://-..com/

پروین شاکر