Woh Dil nawaz Hai Nazar Shinas Nahi " urdu ghazal

وہ دلنواز ہے نظر شناس نہیں

میرا علاج میرے چارہ گر کے پاس نہیں

تڑپ رہے ہیں زباں پر کئی سوال مگر

میرے لئے کوئی شایانِ التماس نہیں

تیرے اجالوں میں بھی دل کانپ کانپ اٹھتا ہے

میرے مزاج کو آسودگی بھی راس نہیں

کبھی کبھی جو تیرے قرب میں گزرے تھے

اب ان دنوں کا تصور بھی میرے پاس نہیں

گزر رہے ہیں عجب مرحلوں سے دیدہ و دل

سحر کی آس تو ہے زندگی کی آس نہیں

مجھے یہ ڈر ہے کہ تیری آرزو نہ مٹ جائے

بہت دنوں سے طبیعت میری اداس نہیں