Muskrao Bahar K Din HAin : A Beautiful Urdu Ghazal By Saghar

ساغر صدیقی کا نام محمد اختر اور تخلص ساغر تھا۔1928 میں امرتسر میں پیدا ہوئے۔گھر میں بہت تنگ دستی تھی اس لیے

ان کی تعلیم واجبی سی ہوئی۔

15؍بر س کی عمر میں شعر کہنے لگے تھے۔ شروع میں قلمی نام ناصر حجازی تھا لیکن جلد ہی بدل کر ساغر صدیقی ہوگئے۔ترنم بہت اچھا تھا۔لطیف گورداس پوری سے اصلاح لینے لگے۔1947 میں وہ لاہور آگئے۔ 

ان کا کلام مختلف پرچوں میں چھپنے لگا۔ انھوں نے متعدد فلموں کے گانے لکھے جو بہت مقبول ہوئے۔۱۸؍جولائی 1974 کو لاہور میں انتقال کرگئے۔

ا ن کی تصانیف کے نام یہ ہیں: ’زہر آرزو‘، ’غم بہار‘، شب آگہی‘، ’تیشۂ دل‘، ’لوح جنوں‘، ’سبز گنبد‘، ’مقتل گل‘۔ 
’’کلیات ساغر ‘‘ ۔

مسکراؤ ! بہار کے دن ہیں

گل کھلاؤ ! بہار کے دن ہیں

دختران چمن کے قدموں پر

سر جھکاؤ ! بہار کے دن ہیں

مے نہیں ہے تو اشک غم ہی سہی

پی بھی جاؤ ! بہار کے دن ہیں

تم گئے رونق بہار گئ

تم نہ جاؤ ! بہار کے دن ہیں

ہاں کوئی واردات ساغر ومے

کچھ سناؤ! بہار کے دن ہیں

ساغر صدیقی