Bohat Dinon Say Tara Intzar Bhi Tu Nahi A Beautiful Urdu Ghazal

نصیب عشق دل بے قرار بھی نہیں  

بہت دنوں سے ترا انتظار بھی تو نہیں    

                   

تلافی ستم ستم روزگار کون کرے            

تو ہم سخن بھی نہیں رازدار تو نہیں

  زمانہ پر سش غم بھی کرے تو کیا حاصل

 کہ تیرا غم غم لیل و نہار بھی تو نہیں

تری نگاہ تغا فل کو کون سمجھائے

کہ اپنے دل پہ مجھے اختیار بھی تو نہیں

 تو ہی بتا کہ تری خاموشی کو کیا سمجھو

 تری نگاہ سے کچھ اشکار بھی تو نہیں  

وفا نہیں نہ سہی رسم دراہ کیا کم ہے  

 تری نظر کا مگر اعتبار بھی تو نہیں  

اگر چہ دل تری منزل نہ بن سکا اے دوست

 مگر چراغ سر رہگزار بھی تو نہیں   

 بہت فسردہ ہےدل، کون اس کو بلائے

 اداس بھی تو نہیں بے قرار بھی نہیں

 تو ہی بتا ترے بے خانماں کدھر جائیں

 کہ راہ میں شجر سایہ دار بھی تو نہیں

 فلک نے پھینک دیا برگ گل کی چھاوں سےدور

 وہاں پڑے ہیں جہاں خا ر ز ا ر بھی تو نہیں

جو زندگی ہے توبس تیرے درد مندوں کی

 یہ جبر بھی نہیں اختیار بھی نہیں  

وفا ذریعہ اظہار غم سہی ناصر 

  یہ کاروبار کوئی کا روبار بھی تو نہیں