Facebooki DANESHVAR

                 

فیس بکی نمونوں" اور "دوٹکے کے دانشوروں" کی کامیاب پذیرائی کے بعد آج "احسان فراموش، بھگوڑوں" کی تقریب رونمائی ہے-!

             تو آئیے آج میں آپ کو "احسان فراموش، بھگوڑوں" سے متعارف کرواتا ہوں: یہ عموماً مدرسوں میں ذبردستی داخل کروائے جاتے ہیں کیونکہ گهر والے ، پڑوسی حتی کہ محلے دار اور گاؤں والے بهی انکی خباثتوں سے تنگ آئے ہوتے ہیں، جن کے جانے پر مذکورہ بالا لوگ سجدہ شکر بجا لاتے ہیں-

                اب انہی خبیث الفطرت لونڈوں کی ناز برداری مدرسے کے کندھوں پر ہوتی ہے وہ تعلیم کے ذریعے انہیں حضرت انسان بنانے کی حتی المقدور کوشش کرتے ہیں، کئی سال تک انہیں بلا معاوضہ کهانا و رہائش مہیا کرتے ہیں، انکی آسائش کا خیال رکهتے ہیں، حتی کے وہی لونڈے کڑیل جوان کا روپ دھار لیتے ہیں، اب جب انکی زبان کچھ بولنے کے اور قلم کچھ لکهنے کے قابل ہوا تو جس میں کهایا اسی برتن میں چهید کے مصداق اپنے محسن مدرسوں پر طعن و تشنیع کا بازار گرم کر لیتے ہیں، تمام احسانوں کو بهلا کر احسان فراموشی پر اتر آتے ہیں اور اپنے محسنوں کو سربازار رسوا کرنے کی ٹهان لیتے ہیں-!

            یہی مدرسے اب انکی نظر میں جہالت کے گڑھ اور نفس پرستی کے محل بن جاتے ہیں، قصور صرف انکا یہ تها کہ ان محسنوں نے انہیں ایک مہذب انسان بنانے کی کوشش کی، انہیں کهلایا پلایا، پرورش کی اور تمام آسائشیں مہیا کیں، یہ وہی لوگ ہوتے ہیں جو أثناء اقامت رحم سے موجبِ ولادت کے خمیدہ پن کی اصلاح کی فکر لے کر آتے ہیں، مگر بر بنائے ناموافق ونامساعد حالات جی میں گهٹن محسوس کرتے ہیں اور غصہ کو مدارس پر تنقید اور علماء کی پگڑیاں اچهال کر نکالتے ہیں حالانکہ علماء کا قصور صرف فریقین کی رضامندی کے بعد نکاح پڑهانا ہوتا ہے-!

             ان کو اپنی کوڑھ مغضی کے بسبب مدارس کی خدمات کبهی بهی تسلیم نہ ہوں گیں، وہ نہیں بتائیں گے کے انہی مدارس میں لاکھوں بچوں کو مفت تعلیم دی جا رہی ہے اور بطریق احسن اپنی خدمات بہم انجام دے رہے ہیں، ہر سال ہزاروں کی تعداد میں نوجوان عالم دین و حافظ قرآن بن رہے ہیں، امام کعبہ سے لے کر اپنی مسجد کے امام صاحب تک مدراس کے فضلاء ہی تو ہیں، وفاق المدارس جیسے ادارے نظم و نسق اور انتظام و انصرام میں ترکی جیسے ممالک کے لیے رول ماڈل کا کردار ادا کر رہے ہیں، انتہائی مشکلات کے باوجود پاکستانی مدارس دنیا کے صف اول کے مدراس میں شمار ہوتے ہیں اور اس کی اس سے بڑی دلیل اور کیا ہو سکتی ہے کہ اسلامی دنیا کے طلباء پاکستانی مدراس سے حصول علم کو اپنے لیے فخر اور سعادت سمجھتے ہیں -! 

              غیروں کی شاباشی وصول کرنے کے لیے دو چار متنازعہ واقعات کو دلیل بنا مدارس و اہل مدارس کی خدمات کو یکسر بهول کر ان کے تشخص کو مجروح کرنے کے لیے ایڑی چوٹی کا زور لگائیں گے، علماء و صلحاء پر پھبتیاں کسیں گے، ٹهٹهہ کریں گے اور انکی پگڑیاں اچهالنے سے ہرگز نہ کترائیں گے-! 

             سالانہ اربوں روپے ہضم کرنے والی عقل و خرد کی فیکٹریوں کا پانچ سو بہترین یونیورسٹیوں میں شمار نہ ہونا انکے ماتهے پر سلوٹیں نہ لائے گا، انکو ڈهائی کروڑ بچوں کے سکول نہ جانے کی وجوہات جاننے سے کوئی سروکار نہیں ہوگا، سرگودھا کے سکول میں درجنوں بچوں کے ساتھ بد فعلی کے واقعات نظر نہ آئیں گے، سندھ یونیورسٹی حیدر آباد کی طالبہ کی خودکشی کی وجوہات وہ نہ جاننا چاہیں گے، کراچی یونیورسٹی میں خواتین کو جنسی ہراساں کرنے کے واقعات ہر چپ سادھ لیں گے، صرف اسلام آباد کے سکول و کالجز میں پچاس سے ساٹھ فیصد منشیات کے عادی طلباء و طالبات کے معاملہ پر وہ مہر بہ لب ہوں گے، یونیورسٹیوں و کالجز کی رقص و سرور کی محفلوں پر ان کی غیرت ایمانی نہ جاگے گی-! 

             کیونکہ انہیں تو شاباشی مدارس کے چند رٹے رٹائے متازعہ واقعات کو اچهال کر ملنی ہے-!

             ایسی احسان فراموشی سے بخدا موت بہتر معلوم ہوتی ہے، لیکن کیا ہے نا.. اسکے لیے بهی ضمیر کا زندہ ہونا ضروری ہے-!