Khalonay Ki Dukan " A Heart touching Urdu Short Stories

ﻣﯿﺮﯼ ﮐﮭﻠﻮﻧﻮﮞ ﮐﯽ ﺩﮐﺎﻥ ﮨﮯ،ﺍﻧﺎﺭ ﮐﻠﯽ ﺑﺎﺯﺍﺭ ﻣﯿﮟ۔۔۔ ﻣﯿﺮﮮ ﭘﺎﺱ ﺩﯾﺴﯽ ﺑﺪﯾﺴﯽ ﮨﺮ ﻗﺴﻢ ﮐﺎ ﮐﮭﻠﻮﻧﺎ ﮨﮯ، ﻣﯿﮟ ﮔﺎﮨﮏ ﮐﯽ ﺟﯿﺐ ﺍﻭﺭ ﻇﺎﮨﺮﯼ ﺣﺎﻟﺖ ﺳﮯ ﺍﻧﺪﺍﺯﮦ ﻟﮕﺎ ﻟﯿﺘﺎ ﮨﻮﮞ ﮐﮧ ﺍﺱ ﮐﯽ ﻗﻮﺕ ﺧﺮﯾﺪ ﮐﺘﻨﯽ ﮨﮯ، ﻣﯿﺮﮮ ﭘﺎﺱ ﺳﻮ ﺭﻭﭘﮯ ﺳﮯ ﻟﮯ ﮐﺮ ﮨﺰﺍﺭﻭﮞ ﺭﻭﭘﮯ ﻭﺍﻟﮯ ﺑﮭﯽ ﮐﮭﻠﻮﻧﮯ ﮨﯿﮟ۔  ﮐﺎﻓﯽ ﺩﻧﻮﮞ ﺳﮯ ﻣﯿﮟ ﯾﮧ ﻧﻮﭦ ﮐﺮ ﺭﮨﺎ ﺗﮭﺎ ﮐﮧ ﮐﻮﺋﯽ ﻣﺴﻠﺴﻞ ﻣﯿﺮﯼ ﺩﮐﺎﻥ ﮐﯽ ﻧﮕﺮﺍﻧﯽ ﮐﺮ ﺭﮨﺎ ﮨﮯ ﻣﺠﮭﮯ ﺷﮏ ﮨﻮﺍ ﮐﮧ ﮐﮩﯿﮟ ﮐﻮﺋﯽ ﭼﻮﺭ ﺗﻮ ﻣﯿﺮﯼ ﺩﮐﺎﻥ ﮐﯽ ﺭﯾﮑﯽ ﻧﮩﯿﮟ ﮐﺮ ﺭﮨﺎ !!!
     ﺁﺧﺮ ﺍﯾﮏ ﺩﻥ ﻣﯿﮟ ﻧﮯ ﺍُﺳﮯ ﺟﺎ ﻟﯿﺎ۔ ﺍﺭﮮ ! ﯾﮧ ﮐﯿﺎ ﯾﮧ ﺗﻮ ﮐﻮﺋﯽ ﺑﭽﯽ ﺗﮭﯽ ﭼﮫ ﺳﺎﺕ ﺳﺎﻝ ﮐﯽ۔ ﮨﻠﮑﮯ ﮔﻼﺑﯽ ﺍﻭﺭ ﻧﯿﻠﮯ ﺭﻧﮓ ﮐﮯ ﭘﮭﭩﮯ ﮨﻮﺋﮯ ﻓﺮﺍﮎ ﺍﻭﺭ ﭘﺎﺋﺠﺎﻣﮯ ﺳﮯ ﻣﻌﻠﻮﻡ ﮨﻮ ﮔﯿﺎ ﮐﮧ ﮐﻮﺋﯽ ﻓﻘﯿﺮﻧﯽ ﺗﮭﯽ۔ﻣﯿﮟ ﻧﮯ ﺍُﺳﮯ ﮈﺍﻧﭧ ﮐﺮ ﭘﻮﭼﮭﺎ : “ ﺍﻭﺋﮯ ﺗُﻮ ﻣﯿﺮﯼ ﺩﮐﺎﻥ ﻣﯿﮟ ﮐﺐ ﮔُﮭﺴﯽ؟ ”
ﺍُﺳﮑﺎ ﺭﻧﮓ ﺍُﮌ ﮔﯿﺎ۔ ﺑﯿﭽﺎﺭﯼ ﺗﮭﺮ ﺗﮭﺮ ﮐﺎﻧﭗ ﺭﮨﯽ ﺗﮭﯽ، ﻣﮕﺮ ﻣﺠﮭﮯ ﮐﻮﺋﯽ ﺗﺮﺱ ﻧﮩﯿﮟ ﺁﯾﺎ۔ﯾﮧ ﺳﺐ ﻓﻘﯿﺮ ﺟﺎﻥ ﮐﺮ ﺍﭘﻨﮯ ﺑﭽﻮﮞ ﮐﻮ ﺍﯾﺴﯽ ﺣﺎﻟﺖ ﻣﯿﮟ ﺭﮐﮭﺘﮯ ﮨﯿﮟ ﺗﺎﮐﮧ ﻟﻮﮒ ﺗﺮﺱ ﮐﮭﺎ ﮐﺮ ﺯﯾﺎﺩﮦ ﺑﮭﯿﮏ ﺩﯾﮟ۔۔۔  “ ﺩﮐﺎﻥ ﺳﮯ ﮐﻮﺋﯽ ﭼﯿﺰ ﺗﻮ ﻧﮩﯿﮟ ﺍُﭨﮭﺎﺋﯽ؟ “ ﻭﮦ ﻧﻔﯽ ﻣﯿﮟ ﺳﺮ ﮨﻼﻧﮯ ﻟﮕﯽ۔ ﺍﺱ ﮐﯽ ﺁﻧﮑﮭﻮﮞ ﻣﯿﮟ ﺁﻧﺴﻮ ﺑﮭﺮﮮ ﮨﻮﺋﮯ ﺗﮭﮯ۔ “ ﺍﮔﺮ ﺩﻭﺑﺎﺭﮦ ﺍﺩﮬﺮ ﻧﻈﺮ ﺁﺋﯽ ﺗﻮ ﺑﮩﺖ ﻣﺎﺭﻭﮞ ﮔﺎ ﺍﻭﺭ ﭘﻮﻟﯿﺲ ﻣﯿﮟ ﺩﮮ ﺩﻭﮞ ﮔﺎ، ﭼﻞ ﺩﻭﮌ ﺟﺎ۔ ”
ﺩﮐﺎﻥ ﻣﯿﮟ ﮔﺎﮨﮑﻮﮞ ﮐﯽ ﻣﻮﺟﻮﺩﮔﯽ ﮐﯽ ﻭﺟﮧ ﺳﮯ ﻣﯿﮟ ﻧﮯ ﺍُﺳﮯ ﺩﮬﮑﮯ ﺩﯾﻨﮯ ﺳﮯ ﮔﺮﯾﺰ ﮐﯿﺎ۔ﻭﮦ ﻣﻌﺼﻮﻡ ﺑﭽﯽ ﺩﻭﮌﺗﯽ ﮨﻮﺋﯽ ﻣﯿﺮﯼ ﺩُﮐﺎﻥ ﺳﮯ ﺑﺎﮨﺮ ﻧﮑﻞ ﮔﺌﯽ۔  “ ﭼﻮﺭ ﮨﻮﺗﮯ ﮨﯿﮟ ﺟﯽ، ﺩُﮐﺎﻧﻮﮞ ﻣﯿﮟ ﮔﮭﺲ ﮐﺮ ﺩُﮐﺎﻧﻮﮞ ﮐﺎ ﺳﺎﺭﺍ ﺣﺎﻝ ﻣﻌﻠﻮﻡ ﮐﺮﺗﮯ ﮨﯿﮟ، ﭘﮭﺮ ﺍﻥ ﮐﮯ ﺑﮍﮮ ﺩﮐﺎﻥ ﻟﻮﭦ ﻟﯿﺘﮯ ﮨﯿﮟ۔ ”
ﻣﯿﺮﯼ ﺩﮐﺎﻥ ﻣﯿﮟ ﮐﮭﮍﯼ ﺑﯿﮕﻤﺎﺕ ﻧﮯ ﻣﯿﺮﯼ ﮨﺎﮞ ﻣﯿﮟ ﮨﺎﮞ ﻣﻼﺋﯽ۔۔۔  ﺍﮔﻠﮯ ﺩﻥ ﻣﯿﮟ ﻧﮯ ﺟﺐ ﺩﮐﺎﻥ ﮐﮭﻮﻟﯽ ﺗﻮ ﻭﮦ ﺩﮐﺎﻥ ﮐﮯ ﺑﺎﮨﺮ ﮐﮭﮍﯼ ﺗﮭﯽ، ﺍﻭﺭ ﺷﻮﮐﯿﺲ ﻣﯿﮟ ﻟﮕﮯ ﮐﮭﻠﻮﻧﻮﮞ ﮐﻮ ﺩﯾﮑﮫ ﺭﮨﯽ ﺗﮭﯽ۔ “ ﺗﻮ ﭘﮭﺮ ﺁﮔﺌﯽ؟ ”
“
“ “ ﺻﺎﺏ ﺟﯽ ، ﺻﺎﺏ ﺟﯽ۔۔۔ ” ﻣﯿﮟ ﻧﮯ ﺳُﻨﯽ ﺍﻥ ﺳُﻨﯽ ﮐﺮ ﺩﯼ۔۔۔ “ ﺍﮮ ﮐﮭﮉﻭﻧﺎ ﮐِﻨﮯ ﺩﺍ ﺍﮮ؟؟ ” ( ﯾﮧ ﮐﮭﻠﻮﻧﺎ ﮐﺘﻨﮯ ﮐﺎ ﮨﮯ ) ﺍُﺱ ﻧﮯ ﭘﻨﺠﺎﺑﯽ ﻣﯿﮟ ﭘﻮﭼﮭﺎ۔۔۔ﻣﯿﮟ ﻧﮯ ﺍﺳﮯ ﺟﻮﺍﺏ ﻧﮧ ﺩﯾﺎ۔۔۔۔ ﻭﮦ ﭘﮭﺮ ﺑﻮﻟﯽ۔۔۔۔ “ ﺻﺎﺏ ﺟﯽ۔۔۔۔ ”
 “

 “  “ ﺗﻮ ﺍﺩﮬﺮ ﺳﮯ ﺟﺎﺗﯽ ﮨﮯ ﮐﮧ ﻧﮩﯿﮟ۔۔۔۔ “ ﻣﯿﮟ ﻧﮯ ﺍُﺳﮯ ﺑﺎﺯﻭ ﺳﮯ ﭘﮑﮍ ﮐﮯ ﭘﯿﭽﮭﮯ ﺩﮬﮑﯿﻼ۔ “ ﮔﻨﺪﮮ ﮨﺎﺗﮫ ﻧﮧ ﻟﮕﺎﻧﺎ ﺷﯿﺸﮯ ﮐﻮ۔۔۔۔ ”
ﻭﮦ ﺯﻭﺭ ﮐﺎ ﺟﮭﭩﮑﺎ ﻟﮕﻨﮯ ﺳﮯ ﮔﺮ ﮔﺌﯽ، ﮐﻤﺰﻭﺭ ﺳﯽ ﺗﻮ ﺗﮭﯽ۔۔۔۔ “ ﺍﻭ ﻭﺍﻻ ﮐﮭﮉﻭﻧﺎ ﮐِﻨﮯ ﺩﺍ ﺍﮮ۔۔۔۔ ” ﺍﺏ ﮐﯽ ﺑﺎﺭ ﺍُﺱ ﻧﮯ ﺩﻭﺭ ﺳﮯ ﺍﺷﺎﺭﮦ ﮐﯿﺎ۔ﻣﯿﮟ ﻧﮯ ﺍُﺳﮯ ﺑﮭﮕﺎﻧﮯ ﮐﮯ ﻟﯿﮯ ﺭﻗﻢ ﺗﯿﻦ ﮔُﻨﺎ ﺯﯾﺎﺩﮦ ﺑﺘﺎﺋﯽ۔ “ ﻭﯼ ﮨﺰﺍﺭ ﺭﻭﭘﮯ ﺩﺍ۔ ” ( ﺑﯿﺲ ﮨﺰﺍﺭ )  ﯾﮧ ﯾﮧ ﺍﻧﺴﺎﻧﯽ ﻓﻄﺮﺕ ﮨﮯ ﮐﮧ۔۔۔ ﻏﺮﯾﺐ ﮐﻮ ﺍﺱ ﮐﯽ ﻏﺮﯾﺒﯽ ﮐﺎ ﺍﺣﺴﺎﺱ ﺩﻻﻧﮯ ﺍﻭﺭ ﺍﭘﻨﯽ ﺑﺮﺗﺮﯼ ﺛﺎﺑﺖ ﮐﺮﻧﮯ ﮐﮯ ﻟﯿﮯ ﮨﻢ ﺍﻣﯿﺮ ﻟﻮﮒ ﺍﮐﺜﺮ ﺍﭘﻨﯽ ﮐﻢ ﻗﯿﻤﺖ ﺍﺷﯿﺎﺀ ﮐﯽ ﻗﯿﻤﺖ ﺑﮭﯽ ﺯﯾﺎﺩﮦ ﺑﺘﺎﺗﮯ ﮨﯿﮟ۔  ﻭﮦ ﮈﺍﻝ ﮨﺎﺅﺱ ﮐﮯ ﺑﺎﺭﮮ ﻣﯿﮟ ﭘﻮﭼﮫ ﺭﮨﯽ ﺗﮭﯽ، ﺭﻗﻢ ﺳُﻦ ﮐﺮ ﺍُﺳﮯ ﺳﻤﺠﮫ ﮨﯽ ﻧﮧ ﺁﺋﯽ، ﮐﮧ ﺑﯿﺲ ﮨﺰﺍﺭ ﮐﺘﻨﮯ ﮨﻮﺗﮯ ﮨﯿﮟ۔۔۔ ﺩﻭﺭ ﮐﮭﮍﯼ ﺭﮨﯽ۔۔۔  ﻣﯿﮟ ﺩﮐﺎﻥ ﻣﯿﮟ ﭼﻼ ﮔﯿﺎ۔ ﻣﮕﺮ ﻭﻗﺘﺎً ﻓﻮﻗﺘﺎً ﺍﺳﮯ ﺩﯾﮑﮭﻨﮯ ﮐﮯ ﻟﯿﮯ ﺑﺎﮨﺮ ﺑﮭﯽ ﺁﺗﺎ ﺭﮨﺎ۔۔۔ ﻭﮦ ﺭﻗﻢ ﺳُﻦ ﮐﺮ ﺟﺎ ﭼُﮑﯽ ﺗﮭﯽ۔۔۔  ﺩﻭ ﭼﺎﺭ ﺩﻥ ﺁﺭﺍﻡ ﺳﮯ ﮔﺰﺭ ﮔﺌﮯ ﻭﮦ ﻧﻈﺮ ﻧﮧ ﺁﺋﯽ۔۔۔ ﯾﺎ ﻣﯿﮟ ﻧﮯ ﺗﻮﺟﮧ ﻧﮧ ﺩﯼ،ﮐﮧ ﻣﯿﺮﮮ ﻣﻼﺯﻡ ﻧﮯ ﺑﺘﺎﯾﺎ : “ ﻣﯿﮟ ﺟﺐ ﺩﻭﭘﮩﺮ ﺗﮭﻮﮌﯼ ﺩﯾﺮ ﺁﺭﺍﻡ ﮐﮯ ﻟﯿﮯ ﮔﮭﺮ ﺟﺎﺗﺎ ﮨﻮﮞ ﺗﻮ ﮐﻮﺋﯽ ﺑﭽﯽ ﺷﻮﮐﯿﺲ ﮐﮯ ﺑﺎﮨﺮ ﺑﯿﭩﮫ ﮐﺮ ﺧﯿﺎﻟﻮﮞ ﻣﯿﮟ ﮈﺍﻝ ﮨﺎﺅﺱ ﮐﮯ ﺳﺎﺗﮫ ﮐﮭﯿﻠﺘﯽ ﮨﮯ ،ﺍﻭﺭ ﻣﺠﮭﮯ ﺁﺗﺎ ﺩﯾﮑﮫ ﮐﺮ ﺑﮭﺎﮒ ﺟﺎﺗﯽ ﮨﮯ ” ۔۔۔ “ ﺍﭼﮭﺎ ” ۔۔۔۔ ﺍﮔﻠﮯ ﺩﻥ ﻣﯿﮟ ﮔﮭﺮ ﺟﺎﻧﮯ ﮐﯽ ﺑﺠﺎﺋﮯ ﺳﺎﻣﻨﮯ ﻭﺍﻟﯽ ﺩﮐﺎﻥ ﻣﯿﮟ ﺟﺎ ﮐﺮ ﺑﯿﭩﮫ ﮔﯿﺎ۔۔۔  ﻭﮦ ﻣﻘﺮﺭﮦ ﻭﻗﺖ ﭘﺮ ﺁﺋﯽ ﺍﻭﺭ ﺷﻮﮐﯿﺲ ﮐﮯ ﺑﺎﮨﺮ ﺑﯿﭩﮫ ﮐﺮ ﺍﺱ ﻧﮯ ﭘﮩﻠﮯ ﺍﺩﮬﺮ ﺍُﺩﮬﺮ ﺩﯾﮑﮭﺎ۔ﭘﮭﺮ ﺍﺷﺎﺭﻭﮞ ﺳﮯ ﮐﺒﮭﯽ “ ﮈﺍﻝ ﮨﺎﺅﺱ “ ﻣﯿﮟ ﻣﻮﺟﻮﺩ ﭼﯿﺰﻭﮞ ﮐﯽ ﺟﮕﮧ ﺑﺪﻟﺘﯽ، ﮔﮍﯾﺎ ﮐﻮ ﺍﻭﭘﺮ ﻧﯿﭽﮯ ﺭﮐﮭﺘﯽ۔۔۔۔ ﺍﺳﯽ ﻃﺮﺡ ﮐﮭﯿﻠﺘﮯ ﮐﮭﯿﻠﺘﮯ ﺍﺳﮯ ﻣﯿﺮﮮ ﺁﻧﮯ ﮐﺎ ﺍﺣﺴﺎﺱ ﮨﻮﺍ ﺍﻭﺭ ﻭﮦ ﺑﮭﺎﮒ ﮔﺌﯽ۔۔۔ﻭﻗﺖ ﮔﺰﺭﺗﺎ ﮔﯿﺎ۔۔۔ ﻭﮦ ﺍﺏ ﺑﮭﯽ ﺁﺗﯽ۔۔۔ ﺍﻭﺭ ﮐﮭﯿﻞ ﮐﺮ ﭼﻠﯽ ﺟﺎﺗﯽ ۔  ﻣﺠﮭﮯ ﯾﮧ ﮐﮭﯿﻞ ﺍﭼﮭﺎ ﻟﮕﻨﮯ ﻟﮕﺎ، ﮐﺒﮭﯽ ﭼﺎﮨﺘﺎ ﺍﺳﮯ ﮐﮭﻠﻮﻧﺎ ﺩﮮ ﺩﻭﮞ، ﻣﮕﺮ ﭘﮭﺮ ﻣﯿﮟ ﺍﺱ ﮐﮭﯿﻞ ﺳﮯ ﻣﺤﺮﻭﻡ ﮨﻮ ﺟﺎﺗﺎ۔۔۔ ﯾﺎ ﭘﮭﺮ ﻣﺠﮫ ﻣﯿﮟ ﺍﺗﻨﯽ ﺍﺧﻼﻗﯽ ﺟﺮﺍﺕ ﻧﮩﯿﮟ ﺗﮭﯽ ﮐﮧ ﻣﯿﮟ ﺍﺗﻨﺎ ﻣﮩﻨﮕﺎ ﮐﮭﻠﻮﻧﺎ ﺍﯾﮏ ﻓﻘﯿﺮﻧﯽ ﮐﻮ ﺩﮮ ﺩﯾﺘﺎ۔۔۔  ﻣﯿﮟ ﻧﮯ ﺍُﺳﮑﺎ ﮐﮭﻠﻮﻧﺎ ﻧﮩﯿﮟ ﺑﯿﭽﺎ۔۔۔ ﮐﺌﯽ ﮔﺎﮨﮑﻮﮞ ﻧﮯ ﻣﺠﮭﮯ ﮐﮭﻠﻮﻧﮯ ﮐﯽ ﻣﻨﮧ ﻣﺎﻧﮕﯽ ﻗﯿﻤﺖ ﺑﮭﯽ ﺩﯾﻨﮯ ﮐﯽ ﮐﻮﺷﺶ ﮐﯽ،ﻣﮕﺮ ﻣﯿﺮﺍ ﺩﻝ ﻧﮩﯿﮟ ﭼﺎﮨﺎ۔۔۔۔ ﻣﯿﺮﮮ ﺳﺎﻣﻨﮯ ﺍُﺳﮑﺎ ﻣﯿﻼ ﺳﺎ ﭼﮩﺮﮦ ﺁ ﺟﺎﺗﺎ۔۔۔۔ ﺍﻭﺭ ﻣﯿﮟ ﭼﺎﮨﺘﮯ ﮨﻮﺋﮯ ﺑﮭﯽ ﮈﺍﻝ ﮨﺎﺅﺱ ﺑﯿﭻ ﻧﮩﯿﮟ ﺳﮑﺎ۔۔۔۔  ﺍﺱ ﻧﮯ ﺁﻧﺎ ﺑﻨﺪ ﮐﺮ ﺩﯾﺎ ﮨﮯ۔۔۔ ﺳﺎﻝ ﺑﮭﯽ ﺗﻮ ﮐﺘﻨﮯ ﺑﯿﺖ ﮔﺌﮯ۔۔۔۔ ﻣﯿﺮﮮ ﺑﯿﭩﮯ ﻧﮯ ﮈﺍﻝ ﮨﺎﺅﺱ ﮐﻮ ﺷﻮﮐﯿﺲ ﺳﮯ ﮨﭩﺎﻧﮯ ﮐﮯ ﻟﯿﮯ ﮐﮩﺎ ﺗﻮ ﻣﯿﮟ ﻧﮯ ﮨﭩﺎﻧﮯ ﻧﮩﯿﮟ ﺩﯾﺎ۔۔۔

ﮨﻮ ﺳﮑﺘﺎ ﮨﮯ ۔۔ﻭﮦ ﺁﺋﮯ۔۔۔۔ ﻣﮕﺮ ﺍﺏ ﺗﻮ ﻭﮦ ﺑﮍﯼ ﮨﻮ ﮔﺌﯽ ﮨﻮ ﮔﯽ۔۔۔ﺍﺣﺴﺎﺱِ ﻧﺪﺍﻣﺖ ﺟﯿﻨﮯ ﻧﮩﯿﮟ ﺩﯾﺘﺎ۔۔۔ ﮐﺎﺵ ﻣﯿﮟ ﺍُﺳﮯ ﮈﺍﻝ ﮨﺎﺅﺱ ﺩﮮ ﺩﯾﺘﺎ۔۔۔  ﺍﺳﮯ ﮈﮬﻮﻧﮉﻧﮯ ﮐﮯ ﻟﯿﮯ ﮐﭽﯽ ﺑﺴﺘﯽ ﺑﮭﯽ ﮔﯿﺎ۔۔۔۔ ﻭﮨﺎﮞ ﺗﻮ ﺳﺐ ﮐﯽ ﺷﮑﻠﯿﮟ ﺍﯾﮏ ﺟﯿﺴﯽ ﮨﯿﮟ۔۔۔ ﻭﮨﯽ ﮔﻨﺪﮮ ﻣﯿﻠﮯ ﭼﮩﺮﮮ ﺍﻭﺭ ﭘﮭﭩﮯ

ﭘﺮﺍﻧﮯ ﮐﭙﮍﮮ۔۔۔ ﻣﮕﺮ۔۔۔ ﭘﮭﺮ ﺍﯾﮏ ﺩﻥ ﻭﮦ ﺁﮔﺌﯽ۔۔۔  ﻣﯿﺮﯼ ﺩﮐﺎﻥ ﻣﯿﮟ ﺍﯾﮏ ﻧﻮﺟﻮﺍﻥ ﻟﮍﮐﯽ ﺩﺍﺧﻞ ﮨﻮﺋﯽ۔۔۔۔ ﺍُﺳﮑﮯ ﺭﻧﮓ ﮈﮬﻨﮓ ﺳﮯ ﻟﮓ ﺭﮨﺎ ﺗﮭﺎ ﮐﮧ ﺗﻌﻠﻖ ‘ ﺍُﺱ ﺑﺎﺯﺍﺭ ’ ﺳﮯ ﮨﮯ ،ﺟﺴﮯ ﮨﻢ ﺷﺮﯾﻒ ﺍﭼﮭﺎ ﻧﮩﯿﮟ ﺳﻤﺠﮭﺘﮯ،ﺳﺎﺗﮫ ﺍُﺳﮑﺎ ’ ﻣﻼﺯﻡ ’ ﺑﮭﯽ ﺗﮭﺎ۔۔۔ﯾﮧ ﮔﮍﯾﺎ ﮔﮭﺮ ﺧﺮﯾﺪﻧﺎ ﮨﮯ ﻣﺠﮭﮯ۔۔۔ ﻭﮦ ﺑﻮﻟﯽ۔۔۔ ﺑﯿﺲ ﮨﺰﺍﺭ ﺍﮐﮭﭩﮯ ﮐﺮﻧﮯ ﻣﯿﮟ ﺑﮩﺖ ﭨﺎﺋﻢ ﻟﮓ ﮔﯿﺎ ﻣﺠﮭﮯ۔۔۔ﭘﺮ ﺷﮑﺮ ﮨﮯ ﺗﻢ ﻧﮯ ﺍﺳﮯ ﺑﯿﭽﺎ ﻧﮩﯿﮟ۔۔۔ ﺍﺱ ﻧﮯ ﻏﻤﺰﺩﮦ ﻣﺴﮑﺮﺍﮨﭧ ﮐﮯ ﺳﺎﺗﮫ ﯾﮧ ﺟﻤﻠﮧ ﺑﻮﻻ۔۔۔ﮈﺍﻝ ﮨﺎﺅﺱ ﺑِﮏ ﭼُﮑﺎ ﺗﮭﺎ۔۔۔ ﺍﻭﺭ ﻗﯿﻤﺖ ﺗﮭﯽ ۔۔۔ ﻣﯿﺮﺍ ﺗﺎ ﺣﯿﺎﺕ ﺍﺣﺴﺎﺱِ ﻧﺪﺍﻣﺖ..