"Humari Bhookh Kun Nahi Mit'ti" A Beautiful Urdu Article By ADEO Shams ul Haq

*ہماری بھوک کیوں نہیں مِٹتی؟*

پاکستانی قوم بھوکی ہے یہاں کے سیاستدان، بیوروکریسی، آفیسر شاہی، ملازم، کاروباری حضرات، مزدور سب کے سب بھوکے ہیں۔۔۔۔۔!

غریب و امیر سب بھوکے ہیں۔۔۔۔!

ہمارے سیاستدان چوری کے لیے اسمبلیوں میں آتے ہیں نہ کہ عوامی خدمت کے لیے۔۔۔۔۔!

ہماری بیوروکریسی کرپشن کو اپنا حق سمجھتی ہے۔۔۔۔!

ہمارے ڈاکٹرز بغیر ضرورت کے بھی پرائیویٹ کلینکس میں پیسوں کےلیے لوگوں کا اپریشن کر کے(چیر پھاڑ )دیتے ہیں ۔۔۔۔!

کاروباری حضرات اس کوشش میں ہیں کہ کسی بھی طریقے سے دھوکہ دہی سے فراڈ سے زیادہ سے زیادہ کمائیں۔۔۔۔!

ٹھیکہ دار ناقص میٹریل استعمال کر کے اعلٰی کوالٹی بتاکر کرپشن کا سہارہ لے کر قومی انفراسٹرکچر کو تباہ کرتے ہیں تاکہ زیادہ سے زیادہ بچت ہو۔۔۔!

ہم بیواؤں اور یتیموں کا مال میں بھی اپنا حق سمجھتے ہیں۔۔۔۔۔۔!

ہم زکواۃ و خیرات میں بھی نادار اور غریبوں کے بجائے اپنا حق سمجھتے ہیں۔۔۔۔۔!

ہمارے ملازم طبقہ کام چور ہے۔۔۔۔۔!

ہمارے لوگ پیسوں کے لیے دہشتگردی کرتے ہیں۔۔۔۔۔!

ہم نے مذہب کو بھی پیسوں کے لیے استعمال کیا۔۔۔۔۔!

ہمیں مفت چیز جہاں کہیں سے بھی ملے حلال ہو یا حرام ہم اُسے مالِ غنیمت سمجھتے ہیں۔۔۔۔!

ہم اتنے بھوکے کیوں ہیں؟

اس کی اصل وجہ کیا ہے؟

کیوں کہ ہماری گورنمنٹ اچھی نہیں اس کو عوام کے فلاح وبہبود کا کوئی فکر نہیں ،کوئی سوچ نہیں اور کوئی بندوبست نہیں۔۔۔۔۔۔!

ہماری قوم کا گورنمنٹ پر کوئی اعتماد نہیں ان میں حد درجہ مایوسی پائی جاتی ہے۔۔۔۔!

ہر ایک کو یہ فکر لگی ہوتی ہے کہ موجودہ وقت سے فائدہ اُٹھاؤ کیا پتہ کل ایسا موقع ملے یا نہ ملے۔۔۔۔!

ہمارے معاشرے میں اجتماعی سوچ کی فقدان کیا بلکہ اجتماعی سوچ پائی ہی نہیں جاتی۔۔۔۔!

ہماری یہ بھوک اور لالچ کبھی کبھی ایسے ایسے سانحات کی سبب بنتی ہے۔۔۔۔۔!

""اللہ ہم سب پہ رحم کرے""

Baa ki kahawtain URDU PROVERBS,

ب ۔ کی کہاوتیں

(۱۳)  باسی کڑھی میں  اُبال آیا  :

 یہ کہاوت دو مختلف معانی میں  استعمال ہوتی ہے:

        (الف)   باسی کڑھی میں  اُبال بہت جلدی آتا ہے اور اُتنی ہی جلدی بیٹھ بھی جاتا ہے۔چنانچہ اگر کسی شخص کو غصہ بہت جلد آتا ہو اور ذرا سی دیر میں  اُتر بھی جاتا ہو تو اس کو ’’باسی کڑھی میں  اُبال ‘‘سے تعبیر کیا جاتا ہے۔

        (ب)  پرانے اور بھولے بسرے قضئے یاد کر کے انھیں  فساد اور تفرقے کی بنیاد بنایا جائے تو اس وقت یہ کہاوت بولی جاتی ہے۔

( ۱۴)   باسی بچے، نہ کتّا کھائے  :

   یعنی چیز بالکل نپی تلی اور ضرورت کے عین مطابق ہو تاکہ ضائع نہ جائے۔ اس کی مثال ایسے کھانے سے دی گئی ہے جو نپا تلا پکایا جاتا ہے اور باسی ہو کر کتوں  کی نذر ہونے سے بچ رہتا ہے۔

( ۱۵)  بال برا  بر فرق نہیں   :

  یعنی دو چیزوں میں  ذَرّہ برابر بھی فرق نہیں  ہے، تقریباً  ایک ہی جیسی ہیں۔

 ( ۱۶ )  بال بال بچ گئے  :

  بال بال یعنی بہت کم، گویا بس بچ ہی گئے ورنہ نقصان یقینی تھا۔

( ۱۷ )  بال بال موتی پروئے   :

 سولہ سنگھار کئے،  بہت بنے سنورے۔

( ۱۸)  با مسلماں  اللہ اللہ، با برہمن رام رام  :

   یہ کہاوت خوش اخلاق اور وسیع القلب انسان کے بیان میں ہے کہ مسلمان سے ملتا ہے تو سلام یا اَللہ اَللہ کر لیتا ہے اور ہندو برہمن کو  رام رام کہہ کر سلام کر لیتا ہے۔

Baa ki kahawtain URDU PROVERBS,

ب ۔ کی کہاوتیں

( ۸)  بات لاکھ کی، کرنی خاک کی  :

    یعنی بات تو بہت بڑھا چڑھا کر کی لیکن کر کے کچھ بھی نہ دکھا یا۔ اسی مضمون کا شعر دیکھئے:

بہت شور سنتے تھے  پہلو میں  دل کا            جو چیرا  تو اِک قطرۂ خوں  نہ  نکلا

(۹)  بارہ برس دلّی میں  رہے اور بھاڑ جھونکا  :

  اگر کوئی شخص عرصہ تک اَچھے اِمکانات سے دوچار رَہے لیکن اُن سے کچھ حاصل نہ کرے تو یہ کہاوت بولی جاتی ہے۔ دلّی کا ذکر وہاں  میسر معاشی امکانات اور اس کی تہذیبی مرکزیت کی مناسبت سے کیا گیا ہے۔

( ۱۰ )  بارہ برس بعد گھورے کے بھی دن پھر جاتے ہیں   :

  گھورا یعنی کُوڑا کرکٹ پھینکنے کی جگہ۔ وقت کے ساتھ اس مقام پر بھی کوئی کام کی چیز بن جاتی ہے۔ کہاوت کا مطلب یہی ہے کہ کوئی نہیں جانتا کہ کب کسی بدقسمت آدمی کی قسمت بدل جائے گی۔کہاوت میں یہ نصیحت بھی مخفی ہے کہ کسی کو تحقیر سے نہیں  دیکھنا چاہئے کیونکہ کل اس کی حیثیت بدل سکتی ہے۔

( ۱۱ )  باڑھ کاٹے،  نام تلوار کا  :

  باڑھ یعنی  تلوار کی دھار۔ تلوا رکی کاٹ اُس کی باڑھ  ہی کرتی ہے لیکن نام تلوار کا ہوتا ہے۔ کہاوت کا مطلب یہی ہے کہ کام تو کوئی اور کر رہا ہے لیکن نام کسی اور کا ہو رہا ہے۔ محل استعمال معنی سے ظاہر ہے۔

( ۱۲)  باڑھ ہی جب کھیت کھائے تو رکھوالی کون کرے  :

  باڑھ یعنی وہ خاردار جھاڑی جو کھیت کے اِرد گرد اُس کو جانوروں  سے محفوظ رکھنے کے لئے لگائی جاتی ہے۔ جب مال کا چوکیدار ہی چوری کرنے لگے تو پھر کس کا بھروسا کیا جائے؟یہ کہاوت تب بولی جاتی ہے جب کوئی ایسا شخص دھوکا دے یا چوری کرے جس کو معتبر سمجھا گیا تھا۔

Beautiful Hilal-e-Eid Poetries ہلالِ عید کے متعلق خوبصورت اشعار، غزلیں اور نظمیں

ہلالِ عید کو دیکھو تو روک لو آنسو

جو ہو سکے تو محبت کا احترام کرو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ ہاتھ رُخ سے ہٹاؤ کہ عید آئی ہے

نظر نظر سے ملاؤ کہ عید آئی ہے

سہیلیوں کے ، خریداری کے ، عزیزوں کے

کسی بہانے سے آؤ کہ عید آئی ہے

کسی کو دیکھ کے بے اِختیار میں نے کہا

چراغ گھی کے جلاؤ کہ عید آئی ہے

دو لب ملیں گے ’’ محبت ‘‘ کا لفظ جو بھی کہے

سنو ! لبوں کو ملاؤ کہ عید آئی ہے

میں شرط باندھ چکا ہُوں ہِلالِ عید کے ساتھ

ذِرا نقاب ہٹاؤ کہ عید آئی ہے

تمہارے دِل میں اَگر سچ میں کوئی چور نہیں

تو پھر گلے سے لگاؤ کہ عید آئی ہے

پرانے سارے بہانے ہیں قیسؔ کو اَزبر

   

                                                                                                                                                                                          نئے بہانے بناؤ کہ عید آئی ہے

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ داغ سینہِ شب یہ ہلال عید طرب!

دل فسردہ ، بتانا کسے مبارک ہو!

جناب جون ایلیاء

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

تری نگاہ نے جس کو ہلال سمجھا ہے

کہیں یہ نوحہ قدرت کا کوئی بند نہ ہو

سواد أرض کے انساں کی بے نصیبی پر

مری ندیم! فرشتوں کا زہر خند نہ ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوش ہے تمام دہر کہ نکلا ہلالِ عید

اٹکا ہے کُنجِ لب پہ مرے پھر سوالِ عید

خاموش ہو گیا مرا فریاد رَس تو کیا

اور اِس پہ پھر تجھے بھی رہے پیش و پس تو کیا

میں تو خوشی کا گیت کبھی گا نہیں سکا

اس غمکدے میں چین کبھی آ نہیں سکا

چھوڑو اداس کر کے تمہیں کیا کماؤں گا

دنیا کے غم بھلا کے ترا غم ہی کھاؤں گا

گُل گوں اے عنبریں اے مری جان کی پناہ

تھی حشر خیز کیا وہ تری لعل گوں نگاہ

آباد ہو سدا وہ تری پُر ملال چشم

ہے اب تلک بھی یاد مجھے وہ گلال چشم

(ہائے وہ لاجونتی، وہ اک پیکرِ حیا

رَس گھولتی تھی کان میں اُس کی مَدُھر صدا

بادل ٹھہر ٹھہر کے اُسے دیکھتے بھی تھے

شب، اُس کے بارے، تارے مجھے پوچھتے بھی تھے)

عرصہ دراز بیت گیا اب ترے بغیر

بادل گزرتے جاتے ہیں مجھ سے ملے بغیر

کُل رنج و غم کو میرا اثاثہ بنا دیا

مہجوریوں نے مجھ کو تماشا بنا دیا

اب کیا ہوا وہ عشوہ و ناز و ادا، فسوں؟

اے جانِ جاناں حالتِ ناساز کی سکوں!

تُو ہے جہاں وہاں پہ تو عید آئی ہوئی ہے

پر یَاں تو فقط غم کی نوید آئی ہوئی ہے

خوشیاں جڑی ہیں تجھ سے ہی سارے جہان کی

بس خوش ہو گر تو خوش رہو، نا بھی رہو تو کیا

تجھ کو تو دیکھ کر ہی سکوں پا رہے ہیں لوگ

چاہے خموش ہی رہو، نا بھی ہنسو تو کیا

راحت یا سکھ تو بیتے زمانے کا نام ہے

اب یہ وجود دکھ کے گھرانے کا نام ہے

میں اِس ہلالِ عید پہ کیا اکتفا کروں

عیدِ سعید بس ترے آنے کا نام ہے

زین شکیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

غموں نے شہر کو کیا برباد

ہلال عید نظر آرہا ہے رنجیدہ

ساگر کشمیری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

نہ جانے میرا تصور تھا یا فریب نظر

ہلال عید میں بھی تم مجھے نظر آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

ہلالِ عید  

یہ شالامار میں اک برگ زرد کہتا تھا

گیا وہ موسم گل جسکا رازدار ہوں میں

نہ پائمال کریں مجھ کو زائریِن چمن

انھیں کی شاخ نشیمن کی یادگار ہوں میں

ذرا سے پتے نے بیزار کردیا دل کو

چمن میں آکے سراپا غم بہار ہوں میں

خزاں میں مجھکو رلاتی ہے یادِ فصل بہار

خوشی ہو عید کی کیونکر کہ سوگوار ہوں میں

اجاڑ ہوگئے عہد کہن کے میخانے

گزشتہ بادہ پرستوں کی یادگار ہوں میں

پیام عیش و مسرت ہمیں سناتا ہے

ہلالِ عید ہماری ہنسی آڑاتا ہے

  علامہ اقبال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیرے حُسن کے مُقابل سب پڑ جاتے ہیں ماند

قوس و قزاح ، ہلالِ عید اور چودہویں کا چاند 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

تجھے خلوص, محبت, وفا مبارک ہو!

ہمارے دل سے یہ نکلی دعا مبارک ہو!

خوشی سےجھوم اٹھا تھا ہمارا من وللہ

نظر جھکا کے جو اس نے کہا مبارک ہو!

ہلال_ عید کو دیکھا تو یہ کہا دل نے

رخ_ جمال یہ ناز و ادا مبارک ہو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہلال عید!طرب زاسہی یہ شام مگر

چراغِ شوق جلاتےہوئے لرزتے ہیں

دلوں پہ کل جوقیامت ہمارےگزری ہے

اب اس کا دھیان بھی لاتےہوئےلرزتےہیں

ہم اہل غم تجھےخوش آمدیدکیسےکہیں

ہم اپنے دکھ بھی سناتےہوئے لرزتے ہیں

اگر چہ تجھ پہ نگاہیں جمی ہوئ ہیں مگر

دعا کو ہاتھ اٹھاتے ہوئے لرزتے ہیں

 (احمد فراز)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔  

 ﺩﯾﮑﮭﺎ ﮨﻼﻝ ﻋﯿﺪ ﺗﻮ ﺁﯾﺎ ﺗﯿﺮﺍ ﺧﯿﺎﻝ

ﻭﮦ ﺍٓﺳﻤﺎﮞ ﮐﺎ ﭼﺎﻧﺪ ﮨﮯ ﺗﻮ ﻣﯿﺮﺍ ﭼﺎﻧﺪ ﮨﮯ