"Jub Gulistaan Main Baharoon K Qadam Aate Hain" A Beautiful Urdu Ghazal By saghar Siddiqui

جب گلستاں میں بہاروں کے قدم آتے ہیں

یاد بھولے ہوئے یاروں کے کرم آتےہیں

لوگ جس بزم میں آتے ہیں ستارے لے کر

ہم اسی بزم میں بادیدہءِ نم آتے ہیں

اب ملاقات میں وہ گرمیءِ جذبات کہاں

اب تو رکھنے وہ محبت کا بھرم آتے ہیں

قرب ساقی کی وضاحت تو بڑی مشکل ہے

ایسے لمحے تھے جو تقدیر سے کم آتے ہیں

میں بھی جنت سے نکالا ہوا اک بت ہی تو ہوں

ذوق تخلیق تجھے کیسے ستم آتے ہیں

چشمِ ساغر ہے عبادت کے تصور میں سدا

دل کے کعبے میں خیالوں کے صنم آتے ہیں