"Jalvay Machal Rahay Hain Nazaroon Ki Aag Main" A Beautiful Urdu Ghazal By saghar Siddiqui

جلوے مچل رہے ہیں نظاروں کی آگ میں

کچهہ پهول جل رہے بہاروں کی اگ میں

آشفتگی سے چور ہیں زلفوں کی بدلیاں

ساقی شراب ڈال چناروں کی آگ میں

پلکوں میں بهیگی بهیگی ہیں کجلے کی دهاریاں

شبنم مہک رہی ہے شراروں کی آگ میں

گر مے نہیں تو پیار کے دو بول ہی سہی

کچھ تو کمی هو بادہ گساروں کی آگ میں

اللہ رے یقین محبت کی داستان

دامن سلگ رہا ہے ستاروں کی آگ میں

کہتی ہے ناخدا سے یہ سوچوں کی شورشیں

تیرے بهی مشورے تهے کناروں کی آگ میں

ساغر رہیں گے رونق بازار آرزو

آشعار جو کہے ہیں نگاروں کی آگ میں