Mujhay Tarey Dard kay Alawah Behi '' A Beautiful Urdu Ghazal By Ahmed Faraz

مجھے تیرے درد کے علاوہ بھی.

اور بھی دکھ تھے یہ مانتا ہوں.

ہزار غم تھے جو زندگی کی .

تلاش میں تھے یہ جانتا ہوں .

مجھے خبر تھی کہ تیرے آنچل میں.

درد کی ریت چھانتا ہوں .

مگر ہر اک بار تجھ کو چھو کر.

یہ ریت رنگ حنا بنی ہے.

یہ زخم گلزار بن گئے ہیں .

یہ آہ سوزاں گھٹا بنی ہے.

یہ درد موج صبا ہوا ہے .

یہ آگ دل کی سادہ بنی ہے .

اور اب یہ سری متاع ہستی .

یہ پھول یہ زخم سب تیرے ہیں

یہ دکھ کے نوحے ،یہ سنک کے نغمے .

جو کل مرے تھے اب وو تیرے ہیں .

جو تیری قربت تیری جدائی .

میں کٹ گئے روز و شب کی طرح ہیں .

وہ تیرا شاعر تیرا مغنی .

وو جس کی باتیں عجب سی تھیں .

وہ جس کے انداز خسروانہ تھے .

اور ادیں غریب سی تھیں.

وہ جس کی جینے کی خواہشیں بھی .

خود اس کے نصیب سے تھیں.

نہ پوچھ اس کا کہ وہ دیوانہ .

بہت دنوں کا اجڑ چکا ہے.

وہ کوہکن تو نہیں تھا لیکن.

کڑی چٹانوں سے لڑ چکا ہے .

وہ تھک چکا تھا اور اس کا تیشہ .

اس کے سینے میں گر چکا ہے .

Is SE Pehle Ke Bewafa Ho Jaeyn '' A Beautiful Urdu Ghazal By Ahmed Faraz

Is se pehle ke bewafa ho jaeyn

Kyon na aiy dost hum juda ha jayin

Tu bhi heeray se ban gaya pathar

Hum bhi kal jane kya se kya ho jayin

Tu k yakta tha beshumar howa

Hum bhi tootain to jabaja ho jayin

Hum bhi majboriyoon ka uzer karin

Phir kahin or mubtala ho jayin

Hum agar manzilein na ban payin

Manzilon tak ka rasta ho jayin

Dair se sooch main hain parwane

Raakh ho jayin, hawa ho jayin

Ishq bhi khel hai naseebon ka

Khak ho jayin, chemia ho jayin

ab k agar tu mile to hum tujh se

aise liptin teri quba ho jayin

bandagi hum ne chor di hai FARAZ

kya karien log jab khuda ho jayin

ZINDAGI KAY KHUAB FASL E RAIGAN '' A Beautiful Urdu Poetry By Ahmed Faraz

فصلِ رائیگاں

زندگی کے خواب فصلِ رائیگاں

تو دریدہ دل میں آشفتہ بیاں

زندگی کے خواب فصلِ رائیگاں

رائیگاں ہر درد کے سورج کی دھوپ

آبلے ہاتھوں کے ماتھوں کا عرق

گیسوؤں کے ابر ہونٹوں کی شفق

میرے دل کی آگ تیرا رنگ روپ

رائیگاں خونِ وفا کی ندیاں

کشتِ بے حاصل کا حاصل بے نشاں

آنسوؤں کی جھیل دوپہروں کی لُو

جسم شل احساس مردہ دل لُہو

چار جانب ریت کے ٹیلے رواں

کوئی نوحہ گر نہ کوئی چشمِ نم

صرف ہم تو بھی کہاں میں بھی کہاں

جیسے ویرانے میں لاشیں بے اماں

بے کفن، بے گور، رزقِ کرگساں

اور یہ یادیں بھی کچھ لمحوں کی ہیں

جس طرح صحرا میں قدموں کے نشاں

جس طرح تعزیتی خاموشیاں

احمدفراز

SALAMTI CONSAL ''' A Beautiful Urdu Poetry By Ahmed Faraz

سلامتی کونسل

پھر چلے ہیں مرے زخموں کا مداوا کرنے

میرے غمخوار اُسی فتنہ گرِ دہر کے پاس

جس کی دہلیز پہ ٹپکی ہیں لہو کی بوندیں

جب بھی پہنچا ہے کوئی سوختہ جاں کشتۂ یاس

جس کے ایوانِ عدالت میں فروکش قاتل

بزم آرا و سخن گسترو فرخندہ لباس

ہر گھڑی نعرہ زناں “امن و مساوات کی خیر”

زر کی میزان میں رکھے ہُوئے انسان کا ماس

کون اس قتل گہہِ ناز کے سمجھے اسرار

جس نے ہر دشنہ کو پھُولوں میں چھپا رکھا ہے

امن کی فاختہ اُڑتی ہے نشاں پر لیکن

نسلِ انساں کو صلیبوں پہ چڑھا رکھا ہے

اس طرف نطق کی بارانِ کرم اور ادھر

کاسۂ سر سے مناروں کو سجا رکھا ہے

جب بھی آیا ہے کوئی کشتۂ بیداد اُسے

مرہمِ وعدۂ فردا کے سوا کچھ نہ ملا

یہاں قاتل کے طرفدار ہیں سارے قاتل

کاہشِ دیدۂ پُر خوں کا صلہ کچھ نہ ملا

کامر کوریا ویت نام دومنکن کانگو

کسی بسمل کو بجز حرفِ دعا کچھ نہ ملا

قصرِ انصاف کی زنجیر ہلانے والو

کجکلاہوں پہ قیامت کا نشہ ہے طاری

اپنی شمشیر پہ کشکول کو ترجیح نہ دو

دم ہو بازو میں تو ہر ضربِ جنوں ہے کاری

اس جزیرہ میں کہیں نور کا مینار نہیں

جس کے اطراف میں اک قلزمِ خوں ہے جاری

“جوہرِ جامِ جم از کانِ جہانِ دگراست

تُو توقّع زگلِ کوزہ گراں می داری”

احمد فراز

KATIL CHUP HA ''' A Beautiful Urdu Poetry By Ahmed Faraz

قاتل

قاتل چُپ ہے

خوں آلودہ ہاتھ میں اب تک

خنجر تھر تھر کانپ رہا ہے

لوگوں کا انبوہ اُسے

گھیرے میں لے کر

چیخ رہا ہے

یہ قاتل ہے

یہ قاتل ہے

خاک اور خوں میں لت پت لاش

کے ہونٹوں پر

اک بات جمی ہے

احمد فراز

YAH QATIL HA ''' A Beautiful Urdu Poetry By Ahmed Faraz

یہ قاتل ہے

لیکن کس کا

یہ اپنی تخلیق کا قاتل

اس نے خود کو قتل کیا ہے

لوگوں کا انبوہ مگر

کب سُنتا ہے

کون ہے قاتل

کس نے

کس کو قتل کیا ہے؟

 احمد فراز

NAHIN HA YUN ''' A Beautiful Urdu Poetry By Ahmed Faraz

نہیں ہے یوں

نہیں ہے یوں کہ مرا دُکھ مری حدود میں ہے

نہ صرف دل ہی دریدہ نہ صرف جاں ہی فگار

نہ صرف دیکھتی آنکھوں میں حسرتوں کا دھواں

نہ صرف ہاتھ شکستہ نہ سر پہ زخم ہزار

جو یوں بھی ہو تو بڑی بات ہے تری قربت

تری وفا تری چاہت تری مسیحائی

ہر ایک زخم کو دھو دے شفیق ہاتھوں سے

ہر ایک درد کو چن لے تری دل آرائی

مگر یہ درد یہ دُکھ کب مری حدود میں ہے

کہاں نہیں مرا پیکر ہاں نہیں یہ فغاں

تو اک وجود کو زندہ تو کر چکے لیکن

ہر اک صلیب پہ میرا ہی جسم آویزاں

ہر ایک تیرِ ستم پر مرا لہو لرزاں

کسے کسے تُو بچائے گی اے مری درماں

احمد فراز

LAFZUN MAIN FASANAY DUNDHTAY HAIN HUM LOG '' A Beautiful Urdu Poetry By Ahmed Faraz

رباعیات

لفظوں میں فسانے ڈھونڈتے ہیں ہم لوگ

لمحوں میں زمانے ڈھونڈتے ہیں ہم لوگ

تو زہر ہی دے شراب کہہ کر ساقی

جینے کے بہانے ڈھونڈتے ہیں ہم لوگ

٭٭٭

اک راہِ طویل اک کڑی ہے یارو

افتاد عجیب آ پڑی ہے یارو

کس سمت چلیں کدھر نہ جائیں آخر

دوراہے پہ زندگی کھڑی ہے یارو

٭٭٭

غنچے کی چٹک سنائی دے گی یارو

ساغر کی کھنک سنائی دے گی یارو

زنداں کا سکوت گونج اُٹھے گا جس سے

ایسی دستک سُنائی دے گی یارو

٭٭٭

پھولوں کی جبیں جھلس گئی ہے یارو

گلزار میں آگ بس گئی ہے یارو

گزرے ہیں کہاں سے رنگ و بو کے طوفاں

شبنم کو فضا ترس گئی ہے یارو

٭٭٭

اُڑتے پنچھی شکار کرنے والو

گلزار میں گیر و دار کرنے والو

کتنی کلیاں مَسل کے رکھ دیں تم نے

تزئینِ گل و بہار کرنے والو

٭٭٭

یہ دَورِ مے و جام چلے یا نہ چلے

نشے سے پھر بھی کام چلے یا نہ چلے

ہم اہلِ خرابات سے یوں بَیر نہ رکھ

ساقی کل ترا نام چلے یا نہ چلے

٭٭٭

یہ پھیلی ہوئی رات ڈھلے یا نہ ڈھلے

یہ یورشِ حالات ٹلے یا نہ ٹلے

روشن کر چراغِ دیر و کعبہ

پھر شمعِ خرابات جلے یا نہ جلے

٭٭٭

خوابوں میں خیال کھو رہے ہوں جیسے

نشے میں زمانے سو رہے ہوں جیسے

سینے سے ڈھلک گیا ہے کس کا آنچل

خورشید طلوع ہو رہے ہوں جیسے

احمد فراز

BIN BAS KI AIK SHAM ''' A Beautiful Urdu Poetry By Ahmed Faraz

بن باس کی ایک شام۔۔۔

یہ آخری ساعت شام کی ہے

یہ شام جو ہے مہجوری کی

یہ شام اپنوں سے دوری کی

اس شام افق کے ہونٹوں پر

جو لالی ہے زہریلی ہے

اس شام نے میری آنکھوں سے

صہبائے طرب سب پی لی ہے

یہ شام غَضب تنہائی کی

پت جڑ کی ہوا برفیلی ہے

اس شام کی رنگت پیلی ہے

اس شام فقط آواز تری

کچھ ایسے سنائی دیتی ہے

آواز دکھائی دیتی ہے

یہ آخری ساعت شام کی ہے

یہ شام بھی تیرے نام کی ہے

احمد فراز

Main Nay Aksar Tumharay Qaseday Likhay A Beautiful Urdu Poetry By Ahmed Faraz

میں نے اکثر تمہارے قصیدے لکھے

  

میں نے اکثر تمہارے قصیدے لکھے

اور آج اپنے نغموں سے شرمندہ ہوں

پا بہ زنجیر یاروں سے نادم ہوں میں

اپنے گیتوں کی عظمت سے شرمندہ ہوں

سرحدوں نے کبھی جب پکارا تمہیں

آنسووں سے تمہیں الوداعیں کہیں

تم ظفر مند تو خیر کیا لوٹتے

ہار کر بھی نہ جی سے اتارا تمہیں

جس جلال و رعونت سے وارد ہوئے

کس خجالت سے تم سوئے زنداں گئے

تیغ در دست و کف در دہاں آئے تھے

طوق در گردنوں پا بہ جولاں گئے

سینہ چاکان مشرق بھی اپنے ہی تھے

جن کا خوں منہ کو ملنے کو تم آئے تھے

مامتاؤں کی تقدیس کو لوٹنے

یا بغاوت کچلنے کو تم آئے تھے

انکی تقدیر تم کیا بدلتے مگر

انکی نسلیں بدلنے کو تم آئے تھے

جیسے برطانوی راج میں ڈوگرے

جیسے سفاک گورے تھے ویتنام میں

تم بھی ان سے ذرا مختلف تو نہیں

حق پرستوں پہ الزام انکے بھی تھے

وحشیوں سے چلن عام انکے بھی تھے

رائفلیں وردیاں نام انکے بھی تھے

آج سرحد سے پنجاب و مہران تک

تم نے مقتل سجائے ہیں کیوں غازیو

اتنی غارتگری کس کے ایما پر ہے

کس کی خاطر ہے یہ کشت و خوں غازیو

کس شہنشاہ عالی کا فرمان ہے

کس کے آگے ہو تم سرنگوں غازیو

آج شاعر پہ ہی قرض مٹی کا ہے

اب قلم میں لہو ہے سیاہی نہیں۔

آج تم آئینہ ہو میرے سامنے

پیشہ ور قاتلو تم سپاہی نہیں

اب وہ کہتے ہیں تم کوئی چارہ کرو

جب کوئی عہد و پیماں سلامت نہیں

اب کسی کنج میں بے اماں شہر کی

کوئی دل کوئی داماں سلامت نہیں

تم نے دیکھا ہے سر سبز پیڑوں پہ اب

سارے برگ و ثمر خار و خس ہو گئے

اب کہاں خوبصورت پرندوں کی رت

جو نشیمن تھے اب وہ قفس ہو گئے

صحن گلزار خاشاک کا ڈھیر

اب درختوں کے تن پر قبائیں کہاں

سرو و شمشاد سے قمریاں اڑ گئیں

شاخ زیتون پر فاختائیں کہاں

شیخ منبر پہ نا معتبر ہو چکا

رند بدنام کوئے خرابات میں

فاصلہ ہو تو ہو فرق کچھ بھی نہیں

فتوۂ دیں میں ہو اور کفر کی بات میں

اب تو سب راز داں ہمنوا نامہ بر

کوئے جانا ں کے سب آشنا جا چکے

کوئی زندہ گواہی بچی ہی نہیں

سب گنہگار سب پارسا جا چکے

اب کوئی کس طرح قم بہ اذنی کہے

اب کہ جب شہر کا شہر سنسان ہے

حرف عیسیٰ نہ صور اسرافیل ہے

حشر کا دن قیامت کا میدان ہے

مرگ انبوہ بھی جشن ساماں نہیں

اب کوئی قتل گاہوں میں جائے تو کیا

کب سے توقیر لالہ قبائی گئی

کوئی اپنے لہو میں نہائے تو کیا