Kari Gham Say Aazad Ya Mustfa A Beautiful Urdu naat By Dagh Dehlawi ghazals

کرو غم سے آزاد یا مصطفیٰ

تمھیں سے ہے فریاد یا مصطفیٰ

نہ پامال مجھ کو زمانہ کرے

نہ مٹی ہو برباد یا مصطفیٰ

زباں پر تیرا نام جاری رہے

کرے دل تری یاد یا مصطفیٰ

نہ چھوٹے کبھی مجھ سے راہ صواب

نہ ہو ظلم و بیداد یا مصطفیٰ

عطا مجھ کو اللہ ہمت کرے

بجا لاؤں ارشاد یا مصطفیٰ

مجھے گھیر رکھا ہے امراض نے

مٹے انکی بنیاد یا مصطفیٰ

مجھے رات دن فکر ہے قرض کی

اِسی سے ہوں نا شاد یا مصطفیٰ

رہوں حشر میں آپ کی ذات سے

طلب گار امداد یا مصطفیٰ

عنایت کی ہو جائے اِس پر نظر

رہے داغ دل شاد یا مصطفیٰ

داغ دھلوی 

Ap ki Shan Hai Ki Sahan e Rasol e Arbi (S A W A) Beautiful Urdu naat By Dagh Dehlawi ghazals

آپ کی شان ہے کیا شانَ رسولِﷺ عربی

آپ پر جان ہے قربان رسولِﷺ عربی

کس نے یہ مرتبہ پایا ہے ہوا کس کو عروج

ہوئے اللہ کے مہمان رسولِﷺ عربی

ہے قیامت میں اسے کون بچانے والا

تم ہو امت کے نگہبانِ رسولِﷺ عربی

ہے وہی حکمِ خداوند تعالیٰ بیشک

جو ہوا آپ کا فرمان رسولِ ﷺ عربی

آپ کا مرتبہ ہے حضرتِ آدم سے بلند

کوئی ایسا نہیں انسان رسولِ ﷺ عربی

آپ کے نام کا کلمہ ہے مسلمان کی جان

ہے یہ دیندار کا ایمان رسولِﷺ عربی

خانہ ویران بھی ہوں بے سر و سامان بھی ہوں

کوئی بنتا نہیں سامان رسولِﷺ عربی

میں گنہگار ہوں ایسا کہ دعا کرتے بھی

دل میں ہوتا ہوں پشیمان رسولِﷺ عربی

اپنی اُمت کے نگہبان ہیں کونین میں آپ

آپ کا حق ہے نگہبان رسولِﷺ عربی

مجھ کو انجام کی ہے فکر کہ کیا ہونا ہے

گُم ہیں اِس خوف  سے اوسان رسولِﷺ عربی

آئینہ خانہ کی صورت ہے یہ حیرت خانہ

آدمی کیوں نہ ہو حیران رسولِﷺ عربی

میں گرفتارِ غم و رنج رہوں گا کب تک

میری مشکل کرو آسان رسولِﷺ عربی

نیک کاموں میں شب و روز بسر ہو میری

رات دن ہے یہی ارمان رسولِﷺ عربی

آپﷺ کا رتبہ ہے ایسا کہ جنابِ جبریلؑ

آپ کے در کے ہیں دربان رسولِﷺ عربی

میر محبوب علی خان کو ملے عمر دراز

ہے دُعا داغ کی ہر آن رسولِﷺ عربی

داغ دھلوی 

منور بدایونی کا مختصر تعارف ، حالات زندگی Munawar Badayuni A Famous Urdu Poetess naatain

منور بدایونی 

(1908-1984)

منور بدایونی (پیدائش: 2 دسمبر، 1908ء - وفات: 6 اپریل، 1984ء) پاکستان سے تعلق رکھنے والے اردو کے ممتاز شاعر تھے۔

منور بدایونی 2 دسمبر، 1908ء کو لکھنؤ، برطانوی ہندوستان میں پیدا ہوئے۔ 

ان کا اصل نام ثقلین احمد تھا۔ ان کے شعری مجموعوں میں منور نعتیں، منور غزلیں، اور منور قطعات اور منور نغمات شامل ہیں۔ ان کی کی شعری کلیات منور کلیات کے نام سے اشاعت پزیر ہوچکی ہے۔منور بدایونی کے چھوٹے بھائی محشر بدایونی بھی اردو کے ممتاز شاعروں میں شمار ہوتے ہیں۔

نعت

نہ کہیں سے دور ہیں منزلیں، نہ کوئی قریب کی بات ہے

جسے چاہے اس کو نواز دے، یہ درِ حبیب کی بات ہے

جسے چاہا در پہ بلالیا، جسے چاہا اپنا بنالیا

یہ بڑے کرم کے ہیں فیصلے، یہ بڑے نصیب کی بات ہے

وہ بھٹک کے راہ میں رہ گئی،یہ مچل کے در سے لپٹ گئی

وہ کسی امیر کی شان تھی، یہ کسی غریب کی بات ہے

ترے حسن سے تری شان تک ہے نگاہ و عقل کا فاصلہ

یہ ذرا بعید کا ذکر ہے، وہ ذرا قریب کی بات ہے

تجھے اے منور بے نوا، در شہ سے چاہیے اور کیا؟

جو نصیب ہو کبھی سامنا، تو بڑے نصیب کی بات ہے

نذرانہ عقیدت صلی اللہ علیہ وآلہ وسلم

دل میں ہو یاد تیری گوشہ تنہائی ہو
پھر تو خلوت میں عجب انجمن آرائی ہو

آج جو عیب کسی پر نہیں کھلنے دیتے
کب وہ چاہیں گے میری حشر میں رسوائی ہو

اس کی قسمت پہ فدا تخت شہی کی راحت
خاک طیبہ پہ جسے چین کی نیند آئی ہو

بند جب خواب اجل سے ہوں حسن کی آنکھیں
اس کی نظروں میں تیرا جلوہ زیبائی ہو....

💖صلی اللہ علیہ وآلہ وسلم

mira paymbar azeem tar ha A beautiful naat by muzaffar warsi

مرا پیمبر عظیم تر ہے

کمالِ خلاق ذات اُس کی

جمالِ ہستی حیات اُس کی

بشر نہیں عظمتِ بشر ہے 

 مرا پیمبر عظیم تر ہے

وہ شرحِ احکام حق تعالیٰ

وہ خود ہی قانون خود حوالہ

وہ خود ہی قرآن خود ہی قاری

وہ آپ مہتاب آپ ہالہ

وہ عکس بھی اور آئینہ بھی

وہ نقطہ بھی خط بھی دائرہ بھی

وہ خود نظارہ ہے خود نظر ہے

 مرا پیمبر عظیم تر ہے

شعور لایا کتاب لایا

وہ حشر تک کا نصاب لایا

دیا بھی کامل نظام اس نے

اور آپ ہی انقلاب لایا

وہ علم کی اور عمل کی حد بھی 

ازل بھی اس کا ہے اور ابد بھی

وہ ہر زمانے کا راہبر ہے

 مرا پیمبر عظیم تر ہے

وہ آدم و نوح سے زیادہ

بلند ہمت بلند ارادہ

وہ زُہدِ عیسیٰ سے کوسوں آ گے

جو سب کی منزل وہ اس کا جادہ

ہر اک پیمبر نہاں ہے اس میں

ہجومِ پیغمبراں ہے اس میں

وہ جس طرف ہے خدا ادھر ہے 

 مرا پیمبر عظیم تر ہے

بس ایک مشکیزہ اک چٹائی

ذرا سے جَو ایک چارپائی

بدن پہ کپڑے بھی واجبی سے

نہ خوش لباسی نہ خوش قبائی

یہی ہے کُل کائنات جس کی 

گنی نہ جائيں صفات جس کی 

وہی تو سلطانِ بحرو بر ہے

 مرا پیمبر عظیم تر ہے

جو اپنا دامن لہو میں بھر لے

مصیبتیں اپنی جان پر لے

جو تیغ زن سے لڑے نہتا

جو غالب آ کر بھی صلح کر لے

اسیر دشمن کی چاہ میں بھی

مخالفوں کی نگاہ میں بھی

امیں ہے صادق ہے معتبر ہے

 میرا پیمبر عظیم تر ہے

جسے شاہِ شش جہات دیکھوں

اُسے غریبوں کے ساتھ دیکھوں

عنانِ کون و مکاں جو تھامے

خدائی پر بھی وہ ہاتھ دیکھوں

لگے جو مزدور شاہ ایسا

نذر نہ دَھن سربراہ ایسا

فلک نشیں کا زمیں پہ گھر ہے

 میرا پیمبر عظیم تر ہے

وہ خلوتوں میں بھی صف بہ صف بھی 

وہ اِس طرف بھی وہ اُس طرف بھی

محاذ و منبر ٹھکانے اس کے

وہ سربسجدہ بھی سربکف بھی

کہیں وہ موتی کہیں ستارہ

وہ جامعیت کا استعارہ

وہ صبحِ تہذیب کا گجر ہے

 میرا پیمبر عظیم تر ہے

مظفر وارثی

Gham k maroon ka Asra tum ho " Beautiful Urdu Poetry By Saghar Siddiqui,

غم کے ماروں کا آسرا، تمؐ ہو

بے سہاروں کا آسرا ، تمؐ ہو

ھو بھروسہ تمہیؐ فقیروں کا

تاجداروں کا آسرا ، تمؐ ہو

دردمندوں سے پیار ھے تمؐ کو

غمگُساروں کا آسرا ، تمؐ ہو

تمؐ سے یہ کائنات روشن ہے

چاند تاروں کا آسرا ، تمؐ ہو

ناز ھے جن پہ باغِ جنّت کو

اُن بہاروں کا آسرا ، تمؐ ہو

چشمِ ساغرؔ کی آبرو تم سے

دِلفگاروں کا آسرا ، تمؐ ہو

”ساغر صدیقی“ 

Ay Kash Woh Din Kub Aaengay Jub Hum Bhi Madenay Jaengay " A Beautiful Urdu Potry By Saghar Siddiqui,

ساغر صدیقی کا نام محمد اختر اور تخلص ساغر تھا۔1928 میں امرتسر میں پیدا ہوئے۔گھر میں بہت تنگگ دستی تھی اس لیے ان کی تعلیم واجبی سی ہوئی۔

15؍بر س کی عمر میں شعر کہنے لگے تھے۔ شروع میں قلمی نام ناصر حجازی تھا لیکن جلد ہی بدل کر ساغر صدیقی ہوگئے۔ترنم بہت اچھا تھا۔لطیف گورداس پوری سے اصلاح لینے لگے۔1947 میں وہ لاہور آگئے۔۔                

ان کا کلام مختلف پرچوں میں چھپنے لگا۔ انھوں نے متعدد فلموں کے گانے لکھے جو بہت مقبول ہوئے۔۱۸؍جولائی 1974 کو لاہور میں انتقال کرگئے۔

ا ن کی تصانیف کے نام یہ ہیں: ’زہر آرزو‘، ’غم بہار‘، شب آگہی‘، ’تیشۂ دل‘، ’لوح جنوں‘، ’سبز گنبد‘، ’مقتل گل‘۔ ’’کلیات ساغر ‘‘ بھی چھپ گئی ہے۔

اے کاش وہ دن کب آئیں گے جب ہم بھی مدینہ جائیں گے

دامن میں مرادیں لائیں گے جب ہم بھی مدینہ جائیں گے

بیتابی الفت کی دھن میں ہم دیدہ ودل کے بربط پر

توحید کے نغمے گائیں گے جب ہم مدینہ جائیں گے

تھامیں گے سنہری جالی کو چومیں گے معطر پردوں کو

قسمت کو ذرا سلجھائیں گے جب ہم بھی مدینہ جائیں‌گے

زم زم میں بھگو کر دامن کو سر مستی عرفاں پائیں گے

کوثر کے سبو چھلکائیں گے جب ہم بھی مدینہ جائیں‌گے

ہنستی ہوئی کرنیں پھوٹیں گی ظلمات کے قلعے ٹوٹیں گے

جلووں کے علم لہرائیں گے جب ہم بھی مدینہ جائیں گے

ہم خاک درِ اقدس لے کر پلکوں پہ سجائیں گے ساغر

یوں دل کا چمن مہکائیں گے جب ہم بھی مدینہ جائیں گے

Lata Hum NAm Khuld ka Tayba Nagar K Bad " A Beautiful Urdu poetry "

ساغر صدیقی کا نام محمد اختر اور تخلص ساغر تھا۔1928 میں امرتسر میں پیدا ہوئے۔گھر میں بہت تنگ دستیی تھی اس لیے ان کی تعلیم واجبی سی ہوئی۔

15؍بر س کی عمر میں شعر کہنے لگے تھے۔ شروع میں قلمی نام ناصر حجازی تھا لیکن جلد ہی بدل کر ساغر صدیقی ہوگئے۔ترنم بہت اچھا تھا۔لطیف گورداس پوری سے اصلاح لینے لگے۔1947 میں وہ لاہور آگئے۔۔                

ان کا کلام مختلف پرچوں میں چھپنے لگا۔ انھوں نے متعدد فلموں کے گانے لکھے جو بہت مقبول ہوئے۔۱۸؍جولائی 1974 کو لاہور میں انتقال کرگئے۔

ا ن کی تصانیف کے نام یہ ہیں: ’زہر آرزو‘، ’غم بہار‘، شب آگہی‘، ’تیشۂ دل‘، ’لوح جنوں‘، ’سبز گنبد‘، ’مقتل گل‘۔ ’’کلیات ساغر ‘‘ بھی چھپ گئی ہے۔

لیتا ہون نام خلد کا طیبہ نگر کے بعد

 کعبے کو چومتا ہوں ترے سنگِ در کے بعد