میں اپنے کاغذ قلم کی دنیا کو پھر سے دیکھو سجارہا ہوں Samaryab samar, ghazal,

میں اپنے کاغذ قلم کی دنیا کو پھر سے دیکھو سجارہا ہوں

ترے خیالوں میں  جانِ جاناں میں آج کچھ گنگنا رہا ہوں

فلک کے زینے سے میری چھت پر اتر رہے ہیں حسیں ستارے

اے چاند اب تو اتر کے آؤ ادب سے تم کو  بلا رہا ہوں

ہزاروں جگنوں ہیں شمع تھامےکھڑے ہیں الفت کی شاہ راہ پر

 چلے بھی آؤ تمہاری راہوں میں آج پلکیں بچھا رہا ہوں

میں اپنی غزلوں کو رہن رکھ کر خرید لایا تھا تھوڑی خوشبو

 قدم کو مٹی بھی چھو نہ پائے میں مشک و عنبر بچھا رہا ہوں

تمہاری آمدکی اس خوشی میں طیور رقصاں ہیں ڈالیوں پر

 چمن میں نغمہ سرا ہے بلبل میں خود بھی غزلیں سنا رہا ہوں

یہاں گلوں کو وضو کرانے چمن میں آتی ہے روز شبنم

نماز ِعشق و وفا کی خاطر میں آج خوشبو لگا  رہا ہوں

جفا کشی کی تمام رسمیں نبھا کے آیا ہوں دنیا والو !

میں اپنی قسمت کے آئینے کو بذات  خود ہی بنا رہا ہوں

میں اپنی چھوٹی سی جھونپڑی میں پڑا تھا غربت کی شال اوڈھے

 تمہارے دل کا اسیر بن کر میں خود کو محلوں میں پا رہا ہوں

امیر زادی ہے کیا ہوا پھر غریب ہوں میں برا بھی کیا ہے

ثمر وفاؤں کے امتحاں میں متاعِ جاں تک لٹا  رہا ہوں

۔۔۔۔۔۔۔۔۔۔۔۔۔۔۔»»» ثمریاب ثمر ««««۔۔۔۔۔۔۔۔۔۔۔۔۔۔۔

میں اپنے کاغذ قلم کی دنیا کو پھر سے دیکھو سجارہا ہوں ترے خیالوں میں جانِ جاناں میں آج کچھ گنگنا رہا ہوں غزلSamaryab samar, urdu, ghazal,

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔غزل ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں اپنے کاغذ قلم کی دنیا کو پھر سے دیکھو سجارہا ہوں

ترے خیالوں میں  جانِ جاناں میں آج کچھ گنگنا رہا ہوں

فلک کے زینے سے میری چھت پر اتر رہے ہیں حسیں ستارے

اے چاند اب تو اتر کے آؤ ادب سے تم کو  بلا رہا ہوں

ہزاروں جگنوں ہیں شمع تھامےکھڑے ہیں الفت کی شاہ راہ پر

 چلے بھی آؤ تمہاری راہوں میں آج پلکیں بچھا رہا ہوں

میں اپنی غزلوں کو رہن رکھ کر خرید لایا تھا تھوڑی خوشبو

 قدم کو مٹی بھی چھو نہ پائے میں مشک و عنبر بچھا رہا ہوں

تمہاری آمدکی اس خوشی میں طیور رقصاں ہیں ڈالیوں پر

 چمن میں نغمہ سرا ہے بلبل میں خود بھی غزلیں سنا رہا ہوں

یہاں گلوں کو وضو کرانے چمن میں آتی ہے روز شبنم

نماز ِعشق و وفا کی خاطر میں آج خوشبو لگا  رہا ہوں

جفا کشی کی تمام رسمیں نبھا کے آیا ہوں دنیا والو !

میں اپنی قسمت کے آئینے کو بذات  خود ہی بنا رہا ہوں

میں اپنی چھوٹی سی جھونپڑی میں پڑا تھا غربت کی شال اوڈھے

 تمہارے دل کا اسیر بن کر میں خود کو محلوں میں پا رہا ہوں

امیر زادی ہے کیا ہوا پھر غریب ہوں میں برا بھی کیا ہے

ثمر وفاؤں کے امتحاں میں متاعِ جاں تک لٹا  رہا ہوں

۔۔۔۔۔۔۔۔۔۔۔۔۔۔۔»»» ثمریاب ثمر ««««۔۔۔۔۔۔۔۔۔۔۔۔۔۔۔

کچھ فکر آخرت بھی

٭٭٭٭٭٭٭٭٭٭٭کچھ فکر آخرت بھی ٭٭٭٭٭٭٭٭٭٭٭

 یہاں گر سوگیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

یہاں پیرو جواں سب کو مزہ اک دن یہ چکھناہے

 غنی ہو یا گدا کوئی یہاں سب کو ہی مرنا ہے

یہ دنیا چھوڑ کر اک دن یہاں سے کوچ کرنا ہے

 یہاں کوئی ولی کوئی شقی ٹکنے نہ پائے گا

یہاں گر سو گیا اک بار پھر جگنے نہ پائے گا

 ہزاروں سال سوکر بھی کبھی واپس نہ آئے گا

 یہ بیٹے بیٹیاں تیری یہ آنکھوں کے ستارے ہیں

 انہیں کے واسطے تونے کفن کتنے اتارے ہیں

 کری سب خواہشیں پوری یہ سب تیرے دلارےہیں

 یہ اک دن تجھ سے بھاگیں گے انھیں جب تو بلائے گا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

 انہیں کے واسطے تونے زمیں نا حق دبائی تھی

 جوانی بھی انہیں کے واسطے اپنی مٹائی تھی

 ملے منصب کوئی انکو بڑی رشوت چکائی تھی

یہ اک دن بھول جائیں گے ترا جب نام آئے گا

یہاں گر سوگیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

 تجارت میں یہاں اکثر ترا ہی بول بالا تھا

 ترا تھا مال بھی گھٹیا مگر دھندا نرالا تھا

 تو اکثر تولتا کم تھا ترا جھوٹا حوالہ تھا

 یہ طلسم بھی ترے ہاتھوں کااک دن ٹوٹ جائے گا

 یہاں گر سو گیا اک بار پھر جگنے نہ پائے گا

 ہزاروں سال سوکر بھی کبھی واپس نہ آئے گا

 یہ دولت ہے یہ شہرت ہے یہ سونےکے خزانے ہیں

 یہ اونچے اونچے بنگلے ہیں یہ تیرے آشیانےہیں

 یہ محلوں میں ترے آگے جو رقصاں آب گینےہیں

یہ دولت کا نشہ ہے جو یہیں پر ٹوٹ جائے گا

 یہاں گر سو گیا اک بار پھر جگنے نہ پائے گا

 ہزاروں سال سوکر بھی کبھی واپس نہ آئے گا

 غریبوں کا لہو پی کر یہ گھر اپنے سجائے ہیں

 فقیروں کوبھاگنے کیلئے درباں بٹھا ئے ہیں

 یہ موتی آج چن چنکرجو دھاگے میں پروئے ہیں

 بکھرجائیں گے اک دن سب یہ دھاگاٹوٹ جائے گا

یہاں گر سو گیا اک بار پھر جگنے نہ پائے گا

 ہزاروں سال سوکر بھی کبھی واپس نہ آئے گا

 یہ جوچاندی کے برتن ہیں یہیں پرٹوٹ جائیں گے

 یہ عالیشان بنگلے بھی یہیں پر چھوٹ جائیں گے

 تری آنکھوں کے سب سپنے یہیں پر ٹوٹ جائیں گے

 کفن ہی تیرا ساماں ہے کفن ہی ساتھ جائے گا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

ترے بچے ہزاروں قسم کے پکوان کھاتے تھے

 تری دیوار کے نیچے بھی کچھ مسکین رہتے تھے

 مگر بن ماں کےبیچارے وہ بھوکے پیٹ سوتےتھے

 خبر ہے ایک دن تجھ سے یہ سب پوچھا بھی جائے گا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

 یہ ایرانی حسیں قالیں ترے قدموں میں بچھتے ہیں

 مگر کچھ بے سہارا ہیں جو کپڑوں کو ترستےہیں

 یتیموں کا یہ عالم ہے کہ سردی میں ٹھٹرتے ہیں

خرچ کر لے ذرا ان پر یہی تو کام ۔۔۔۔۔آئےگا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

 قبر ہے پر خطر منزل وہی تیرا ٹھکانا ہے

 وہاں پر سانپ بچھو ہیں ونہیں تیرا گھرانا ہے

 جہاں ہر سو اندھیرے میں اکیلا تجھکورہنا ہے

 کوئی مونس کوئی ہمدم تجھے ملنے نہ آئے گا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

یہ دنیا ہے ترے اعمال کی کھیتی سمجھ لینا

اگر جنت کی چاہت ہے تخم اچھے سے بولینا

 خدا کا سامنا ہوگا ذرا کچھ ہوش کر لینا

یہاں جو بیج بوئے گا وہاں پھل اسکا پائے گا

 یہاں گر سو گیا اک بار پھر جگنے نہ پائے گا

ہزاروں سال سوکر بھی کبھی واپس نہ آئے گا

 یہ دنیا اپنے رب کی یاد سے معمور کر لینا

نبی نے جو بتایا ہے ثمر منظور ۔۔۔ کر لینا

قبر میں روشنی ہوگی تلاوت خوب کر لینا

 یہ قرآں ہی سر محشر تری بخشش کرائے گا

 یہاں گر سو گیا اک بار پھر جگنے نہ پائے گا

 ہزاروں سال سوکر بھی کبھی واپس نہ آئے گا

٭٭٭٭٭٭٭٭٭٭٭ثمریاب ثمر٭٭٭٭٭٭٭٭٭٭٭

Ay Sal e Rafta " Beautiful Urdu Poetry By Samaryab Samar

 ۔۔۔۔۔۔۔۔ ۔۔۔اے سال رفتہ ۔۔۔ ۔۔۔۔۔۔۔۔۔

آج اشکوں کا سمندر ہے مری آنکھوں میں

کتنی خاموشی سے نکلا ہے تو سال رفتہ

کتنی امیدیں تھی وابسطہ تہ خاک ہوئیں

کتنے غم د ے کے تو گزرا ہے اے سال رفتہ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔

آج تھوڑی سی شکایت ہے کہ سن کر جانا

تجھ سے نالاں ہیں یہاں آج نظارے کتنے

آج تنہا ہوں مری بزم پڑی ہے ۔۔۔۔۔۔ سونی 

تونے چھینے ہیں مری آنکھوں کے تارے کتنے

۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔

میں نے دیکھی ہیں وہ بہتی ہوئی خوں کی ندیاں

جن میں معصوموں کا پاکیزہ لہو تھا شامل

میں نہ بھولا ہوں نہ بھولوں گا کبھی وہ منظر

جس میں بہنو ں کے بھی سینوں پہ چڑھا تا قاتل

۔۔۔ ۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔

وہ مرے نورِ نظر میرے جگر کے ٹکڑے

جن کی آہوں کا کسی دل پہ اثر تک نہ ہوا

قتل گاہوں میں کہاں لاشوں کے انبار نہ تھے

جن کی لاشوں کو کفن تک بھی میسر نہ ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔

کتنے متمول تھے گھرانے کہ وہ برباد ہوئے 

میں نے انسانوں کی صورت میں بھی حیواں دیکھے

آن ِ واحد میں جلیں بستیاں انسانوں کی

اپنا کردار نبھاتے ہوئے شیطاں دیکھے

۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔

کس طرح جشن مناؤں کہ مرے گلشن میں

پھول کلیوں پہ یہاں آگ کے گولے برسے 

زندہ در گور کیا کتنے ہی معصوموں کو

کتنی ماؤں کو یہاں پھول سے چہرے ترسے

۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔ 

یہ مرے آنسو نہیں خون جگر ہے دیکھو 

زخمی کتنا ہے مرا دل یہ دکھاؤں کیسے 

میرے گھر سے ہیں اٹھے کتنے جنازے دیکھو 

سال ۔۔۔ نو۔۔ تجھ کو مناؤں تو مناؤں کیسے

سال نو تجھ کو مناؤں تو مناؤں کیسے

✍�✍�۔۔۔۔۔۔۔۔۔۔۔۔۔ ثمریاب ثمر۔۔۔۔۔۔۔۔۔۔۔✍�✍�