hum bhi farigh tum bhi farigh Awo k kuch bat karain, by sultana parveen

ہم بھی فارغ تم بھی فارغ آؤ کریں کچھ باتیں بھی

دل میں آگ لگا دیتی ہیں ساون کی برساتیں بھی

لوگ ہمارے، بچھڑے سارے یاد ہمیں جب آتے ہیں

رمِ جھِم رم جھِم برساتی ہیں بھیگی بھیگی راتیں بھی

پار افق کے جس بستی میں لوگ ہمارے رہتے ہیں

کیا ان کو بھی یاد آتی ہیں اکثر وہ ملاقاتیں بھی

جگنو، چاندنی اور ستارے، بچپن کے وہ خواب ہمارے

خوشبو بن کر چھا جاتی ہیں بھولی بسری باتیں بھی

ایک دور تھا جب یہ باتیں غیر مہذب لگتی تھیں

رائج ہیں اب کلچر بن کر وہ ساری خرافاتیں بھی

تم آپس میں جھگڑا کر کے اپنا آپ گنوا مت دینا

دیکھو تاک میں بیٹھی ہیں نا دشمن کی وہ گھاتیں بھی

دائیں ہاتھ سے ایسے دینا، بائیں ہاتھ کو خبر نہ پہنچے

ورنہ دل کا خون کریں گی اپنوں کی خیراتیں بھی

دین کی جو خدمت کرتے ہیں، ان کی خدمت عین عبادت

خود داری میں کہہ نہیں پاتے کرتے ہیں ملاقاتیں بھی

نیکی اور شرافت ہی تو سب سے اچھی قدریں ہیں

کون انھیں یہ سمجھائے جو پوچھ رہے ہیں ذاتیں بھی

تم سے مل کر میرے دل کو ایک سکون سا ملتا ہے

رنگِ حناؔ میں دل کش باتیں اچھی ہیں سوغاتیں بھی

٭٭٭

firaq yar ki barish malal ka mosam A beautiful urdu ghazal by mohsain naqvi

فراق یار کی بارش ملال کا موسم

 ہمارے شہر میں اترا کمال کا موسم

 وہ اک دعا جو میری نامراد لوٹ آئی

 زباں سے روٹھ گیا پھر سوال کا موسم

 بہت دنوں سے میرے ذہن کے دریچوں میں

 ٹھہر گیا ہے تمہارے خیال کا موسم

 جو بے یقیں ہوں بہاریں اجڑ بھی سکتی ہیں

 تو آ کے دیکھ لے میرے زوال کا موسم

 محبتیں بھی تیری دھوپ چھاؤں جیسی ہیں

 کبھی یہ ہجر کبھی یہ وصال کا موسم

 کوئی ملا ہی نہیں جس کو سونپتے”محسن

” ہم اپنے خواب کی خوشبو، خیال کا موسم

محسن نقوی

kabhi barish kabhi Aankhoon main duwaan hota ha A beautiful urdu ghazal

کبھی بارش کبھی آنکھوں میں دہواں ہوتا تھا

 اس طرح ہجر خیالوں میں رواں ہوتا تھا                  

     

کوئی دیوار نہ دوڑی مرے آگے پیچھے

میرے کہنے پہ کبھی دشت رواں ہوتا تھا

 تیری آنکھوں میں کوئی عکس نہ ابھرا

 جس کا اک جزیرہ مرے خوابوں کا جہاں ہوتا تھا     

        

ایک بوڑھے سے شجر پر کہیں لکھا ہوگا

نام تیرا جو کبھی وردِ زباں ہوتا تھا

 تو نہیں ہوتا تھا اطراف میں گرچہ میرے

تیرے ہونے کا مگر مجھ کو گماں ہوتا تھا        

                         

کشتیاں چھیننے والا تو ابھی زندہ ہے

   وہ کوئی اور ہے جو عبرت کا نشاں ہوتا تھا

ایسی بستی سے گزرنا بھی پڑا ہے ہم کو

جس کے ہر کوچے میں غوغائے سگاں ہوتا تھا    

                  

 ہر طرف واعظ و مفتی کا اندیشہ اب ہے

ہائے یہ شہر کبھی شہرِ بتاں ہوتا تھا

جس جگہ تیری حویلی ہے کھڑی، شہزادی

میرے پرکھوں کا یہاں ایک مکاں ہوتا تھا     

                    

آج دیکھا سرِ بازار پھٹے حالوں اسے تیرا شاعر

  جو کبھی شوخ بیاں ہوتا تھا

خاک اڑتی ہے خموشی سے جہاں اب میری

ایک شعلہ سا یہاں رقص کناں ہوتا تھا

   لوگ لیتے تھے مرے ہاتھ کا بوسہ

   اشعر میرا کردار کہانی میں بیاں ہوتا تھا

Aankhain ho gai pur nam barishaoon k mosam main A beautiful urdu ghazal titel udas barish

   

آنکھ ہو گئی پرنم بارشوں کے موسم میں

 کس قدر ہیں تنہا ہم بارشوں کے موسم میں

 درد بھی ہے ہلکا سا ان اداس لمحوں میں

 چین بھی ہے کچھ مدہم بارشوں کے موسم میں

 بہہ گئے بوندوں میں آس کے گھروندے بھی

 پھر ملا نیا اک غم بارشوں کے موسم میں

سرد سرد راتوں کی خنکیوں میں لہجے بھی

منجمد ہوئے پیہم بارشوں کے موسم میں

 بخت سو گئے لیکن جاگتی رہیں آنکھیں

 نیند یوں ہوئی کم کم بارشوں کے موسم میں

 داستان ہجراں میں بے کلی کے زخموں پر

وصل پھر بنے مرہم بارشوں کے موسم میں

 یوں قبا ہے بھیگی کہ جسم و جاں سلگتے ہیں

 لوٹ آؤ نا ہمدم بارشوں کے موسم میں

 چپ لب مگر شیریں گنگنا رہا ہے

 دل کیا عجیب ہے سرگم بارشوں کے موسم میں 

Mukh ko khonay wali ha dunya ronay wali ha barish honay wali ha A beautiful urdu ghazal

مجھ کو کھونے والی ہے.

دنیا رونے والی ہے.

جلدی چھتری لے کر آ.

بارش ہونے والی ہے.

 تیری صورت صدیوں سے.

رونے دھونے والی ہے.

 اب تو اجا گھر اجا.

 رات بھی سونے والی ہے.

کھیل میں رخصت کردی ہے.

 گڑیا رونے والی ہے.

 آنکھ تمہاری صحرا سی.

رات بھگونے والی ہے.

میری ذات کا محور وہ.

 لڑکی کونے والی ہے. 

اسامہ امیر

piyas dil ki barha gai barish A beautiful urdu ghazal

رگ و پے میں سما گئی بارش

 پیاس دل کی بڑھا گئی بارش

 طاق _ نسیاں کی خامشی میں پھر

 جل ترنگ اک بجا گئی بارش !

 دیکھ نیرنگی _ تمنا ، دوست

 دھوپ چاہی تھی ، آ گئی بارش !

 کیا خبر ابر کے سفیروں کو

کتنی شمعیں بجھا گئی بارش !

 تو کہیں بھیگتا نہ ہو تنہا

ایک دھڑکا لگا گئی بارش

 بند کھڑکی کے صاف شیشوں پر

عکس تیرا بنا گئی بارش

 آج مٹھی جو کھول کر دیکھا

 نام تیرا مٹا گئی بارش

 وقت _ رخصت تجھے نہیں معلوم

 کتنے آنسو چھپا گئی بارش

 قطرہ قطرہ گری مگر پھر بھی

 زخم گہرا لگا گئی بارش

 چشم _گریاں سے چشم_حیراں تک

 اک دھنک سی بچھا گئی بارش

 گنگنانے لگیں تری یادیں

 تار غم کے ہلا گئی بارش !

کھل گئیں آشنایاں کیا کیا

 گرد _ ماضی ہٹا گئی بارش

 تیرے بے لاگ بھیگ جانے پر

 اپنا مشکیزہ ڈھا گئی بارش

 ڈاکٹر احمد ندیم رفیع

Kamal Zabt Ka Ya Aakhri Hunar Bhi Gaya " A Beautiful Urdu Ghazal By Sauod Usmani,

کمال ِضبط کا یہ آخری ہنر بھی گیا

میں آج ٹوٹ کے رویا اور اس کے گھر بھی گیا

 یہ دکھ ہے اس کا کوئی ایک ڈھب تو ہوتا نہیں

 ابھی امڈ ہی رہا تھا کہ جی ٹھہر بھی گیا

عجیب غم تھا قبیلے کے حرف کار کا غم

 کہ بے ثمر بھی گیا لفظ ، بے اثر بھی گیا

 یہ ایک پل ، یہ مرا دل ، یہ زرد رنگ کا پھول

ابھی کھلا بھی نہیں تھا ، ابھی بکھر بھی گیا

یہ دشت زاد بگولا ، یہ رقص خو درویش

 اگر میں ٹھیر گیا تو یہ ہم سفر بھی گیا

اگرچہ خلوت ِ جاں سی اماں نہ تھی

 لیکن یہ میرا زخم طلب دل اِدھر اُدھر بھی گیا

سعود عشق بھی لاحق تھا اور زندگی بھی

سو مندمل نہ ہوا اور زخم بھر بھی گیا

 (سعود عثمانی ) "بارش "

Thak Gaya Hun Main Akala Sa Sitarah Tara " A Beautiful UrdU Ghazal By iftkhar bukhari

  

تھک گیا ہوں میں اکیلا سا ستارہ تیرا

دور کتنا ہے ابھی رات، کنارا تیرا

ایک بارش ترے احسان کی کافی ہے مجھے

میں جو پھرتا ہوں سمیٹے ہوئے گارا تیرا

 آئنہ ٹوٹے گا اک روز یہ کہہ کر مجھ سے

 اب نہ ہوگا کبھی دیدار دوبارہ تیرا

رات بھر جاگتی رہتی ہے مری بے خوابی

 لوٹ کر آیا نہیں خواب نظارہ تیرا

 دور ہلتے ہیں کسی سایہء امید کے ہاتھ

جانے کس دشت میں مارے گا اشارہ تیرا

افتخار بخاری

barish ki barsti bundoon nay jub dastak di darwazay par A beautifull urdu ghazal

بارش کی برستی بوندوں نے

جب دستک دی دروازے پر

محسوس ہوا تم آئے ہو

 انداز تمھارے جیسا تھا

ہوا کے ہلکے جھونکے کی

جب آہٹ پائی کھڑکی پر

محسوس ہوا تم گزرے ہو

 احساس تمھارے جیسا تھا

میں نے گرتی بوندوں کو

روکنا چاہا ہاتھوں پر

ایک سرد سا پھر احساس ہوا

 وہ لمس تمھارے جیسا تھا

تنہا میں چلا پھر بارش میں

تب ایک جھونکے نے ساتھ دیا

میں سمجھا تم ہو ساتھ میرے

 وہ ساتھ تمھارے جیسا تھا

پھر رک گئ وہ بارش بھی

رہی نہ باقی آھٹ بھی

میں سمجھا مجھے تم چھوڑ گئے

 انداز تمھارے جیسا تھا

Abhi barsat ki ratoon main badan tuta ha A beautifull urdu poetry

اب نھی برسات کی راتوں میں بدن ٹوٹا ہے  

 جاگ اُٹھتی ہے عجب خواہشیں  انگڑائی کی

ya nikhray sa chahray ya barish ki bundain beautifull barish peatry

یہ نکھرے سے چہرے یہ بارش کی بوندیں  

 گلاب اوس میں جوں نہایا ہوا ہے

Main Tum Ko Bhula Nahi Hun Bata Gai BariSh " A Beautiful Urdu Barish Ghazal By Zahid Shamsi

میں تم کو بھولا نہیں ہوں بتا گئی بارش

تمہارے بعد مجھے پھر رُلا گئی بارش

تمہارے آنے کی خواہش سی دل میں پیدا ہوئ

ہماری آنکھ میں چپکے سے آ گئی بارش

kalay gahray badil chain kur karkay bijli zor say barish urdu poetry by ihtsham shami

کالے گہرے بادل چھائیں ، کڑکے بجلی زوروں سے 

  سرد ہوا ہو ، رِم جھم ہو پیار کی برسات ہو 

Aaj barish ki sham ha kuch udasi ki sham ha A beautifull urdu barish ghazal

 آج بارش کی شام ہے
کچھ اداسی کی شام ہے۔

مسیحا بن کر آجاو ذرا
تنہائ بھری شام ہے۔

دکھ کا چارا کر جاو ذرا
انتظار بھری شام ہے۔

تمھیں تو میرا حال معلوم ہے
دل بے قرار آج کی شام ہے ۔

تیرے ملن کی تمنا تو پرانی ہے
عروج تمنا آج کی شام ہے۔

آجاو تو اچھا ہے
ورنہ پھر گزرنے والی آج کی شام ہے۔

مقدر میں ملن ہوا ہاشم،تو ٹھیک
ورنہ یہ تو معمول کی شام ہے ۔

kitnay shamay bujha gai barish A beautifull barish ghazal

1

 

2

رگ و پے میں سما گئی بارش                                           طاق _ نسیاں کی خامشی میں پھر 

4

پیاس دل کی بڑھا گئی بارش                                             جل ترنگ اک بجا گئی بارش

3

                            دیکھ نیرنگی _ تمنا ، دوست                                                  کیا خبر ابر کے سفیروں کو
                            دھوپ چاہی تھی ، آ گئی بارش                                            کتنی شمعیں بجھا گئی بارش

5

6

! تو کہیں بھیگتا نہ ہو تنہا                                        بند کھڑکی کے صاف شیشوں پر
ایک دھڑکا لگا گئی بارش                                           عکس تیرا بنا گئی بارش

8

7

                                  آج مٹھی جو کھول کر دیکھا                              وقت _ رخصت تجھے نہیں معلوم
                                     نام تیرا مٹا گئی بارش                                         کتنے آنسو چھپا گئی بارش

10

9

قطرہ قطرہ گری مگر                                      چشم _گریاں سے چشم_حیراں تک 

 پھر بھی زخم گہرا لگا گئی بارش                             اک دھنک سی بچھا گئی بارش

11

12

                               گنگنانے لگیں تری یادیں                          کھل گئیں آشنایاں کیا کیا
                             تار غم کے ہلا گئی بارش                                  گرد _ ماضی ہٹا گئی بارش

13

تیرے بے لاگ بھیگ جانے پر
اپنا مشکیزہ ڈھا گئی بارش