Yahan Bhi Tu Wahan bhi Tu Zamen main Tari Falk bhi tara A Beautiful Urdu Poetry By Dagh Dehlawi ghazal

یہاں بھی تو وہاں بھی تو زمیں میں تیری فلک تیرا

کہیں ہم نے پتہ پایا نہہر گز آج تک تیرا

صفات و ذات میں یکتا ہے تو اے واحد مطلق

نہ کوئی تیرا ثانی کوئی مشترک تیرا

جمال احمد و یوسف کو رونق تو نے بخشی ہے

ملاحت تجھ سے شیریں حسن شیریں میں نمک تیرا

ترے فیض و کرم سے نار و نور آپس میں یکدل ہیں

ثناگر یک زبان ہر ایک ہے جن و ملک تیرا

کسی کو کیا خبر کیوں شر پیدا کئے تو نے

کہ جو کچھ ہے خدائی میں وہ ہے لاریب کئے تو نے

نہ جلتا طور کیونکر کس طرح موسی نہ غش کھاتے

کہاں یہ تاب و طاقت جلوہ دیکھئے مر دیک تیرا

دعا یہ ہے کہ وقت مرگ اسکی مشکل آساں ہو

زباں پر داغؔ کے نام آئے یا رب یک بہ یک تیرا

٭٭٭

 داغ دھلوی  

Tu Jo Allah ka Mahboob Hova Khub Hova A Beautiful Urdu Poetry By Dagh Dehlawi ghazal

تو جو اللہ کا محبوب ہوا خوب ہوا

یا نبی خوب ہوا خوب ہوا خوب ہوا

شب معراج یہ کہتے تھے فرشتے باہم

سخن طالب و مطلوب ہوا خواب ہوا

حشر میں امت عاصی کا ٹھکانا ہی نہ تھا

بخشوانا تجھے مر غوب ہوا خوب ہوا

تھا سبھی پیش نظر معرکہ کرب و بلا

صبر میں ثانی ایوب ہوا خوب ہوا

داغؔ ہے روز قیامت مری شرم اسکے ہاتھ

میں گناہوں سے جو محبوب ہوا خوب ہوا

٭٭٭

 داغ دھلوی  

Ya Rab Ha Bakhash Dana Banday ko kam tara Urdu Poetry By Dagh Dehlawi ghazal

یا رب ہے بخش دینا بندے کو کام تیرا

محروم رہ نہ جائے کل یہ غلام تیرا

جب تک ہے دل بغل میں ہر دم ہو یاد تیری

جب تک زباں ہے منہ میں‌جاری ہو نام تیرا

ایمان کی کہیں گے ایمان ہے ہمارا

احمد  رسول تیرا مصحف کلام تیرا

ہے تو ہی دینے والا پستی سے دے بلندی

اسفل مقام میرا اعلیٰ مقام تیرا

محروم کیوں‌رہوں میں جی بھر کے کیوں نہ لوں میں

دیتا ہے رزق سب کو ہے فیض عام تیرا

یہ داغؔ بھی نہ ہو گا تیرے سوا کسی کا

کونین میں‌ہے جو کچھ وہ ہے تمام تیرا

 ٭٭٭

  داغ دھلوی  

Hamari Aankhoon nay bhi tamsha ajab ajab InyKhab Dakha Urdu Poetry By Dagh Dehlawi ghazal

ہماری آنکھوں نے بھی تماشا عجب عجب انتخاب دیکھا

برائی دیکھی ، بھلائی دیکھی ، عذاب دیکھا ، ثواب دیکھا

نہ دل ہی ٹھہرا ، نہ آنکھ جھپکی ، نہ چین پایا، نہ خواب آیا

خدا دکھائے نہ دشمنوں کو ، جو دوستی میں عذاب دیکھا

نظر میں ہے تیری کبریائی، سما گئی تیری خود نمائی

اگر چہ دیکھی بہت خدائی ، مگر نہ تیرا جواب دیکھا

پڑے ہوئے تھے ہزاروں پردے کلیم دیکھوں تو جب بھی خوش تھے

ہم اس کی آنکھوں کے صدقے جس نے وہ جلوہ یوں بے حجاب دیکھا

یہ دل تو اے عشق گھر ہے تیرا، جس کو تو نے بگاڑ ڈالا

مکاں سے تالا دیکھا ، تجھی کو خانہ خراب دیکھا

جو تجھ کو پایا تو کچھ نہ پایا، یہ خاکداں ہم نے خاک پایا

جو تجھ کو دیکھا تو کچھ نہ دیکھا ، تمام عالم خراب دیکھا

٭٭٭

 داغ دھلوی  

Mujh say Mey kash ko kahan sabar kahan toba Urdu Poetry By Dagh Dehlawi ghazal

خواب میں بھی نہ کسی شب وہ ستم گر آیا

وعدہ ایسا کوئی جانے کہ مقرر آیا

مجھ سے مے کش کو کہاں صبر، کہاں کی توبہ

لے لیا دوڑ کے جب سامنے ساغر آیا

غیر کے روپ میں بھیجا ہے جلانے کو مرے

نامہ بر ان کا نیا بھیس بدل کر آیا

سخت جانی سے مری جان بچے گی کب تک

ایک جب کُند ہوا دوسرا خنجر آیا

داغؔ تھا درد تھا غم تھا کہ الم تھا کچھ تھا

لے لیا عشق میں جو ہم کو میسر آیا

عشق تاثیر ہی کرتا ہے کہ اس کافر نے

جب مرا حال سنا سنتے ہی جی بھر آیا

اس قدر شاد ہوں گویا کہ ملی ہفت اقلیم

آئینہ ہاتھ میں آیا کہ سکندر آیا

وصل میں ہائے وہ اترا کے مرا بول اٹھنا

اے فلک دیکھ تو یہ کون مرے گھر آیا

راہ میں وعدہ کریں جاؤں میں گھر پر تو کہیں

کون ہے، کس نے بلایا اسے، کیونکر آیا

داغؔ کے نام سے نفرت ہے، وہ جل جاتے ہیں

ذکر کم بخت کا آنے کو تو اکثر آیا

 داغ دھلوی  

Kis ny kaha k Dagh Wafadar mar gaya Urdu Poetry By Dagh Dehlawi ghazal

کس نے کہا کہ داغؔ وفا دار مرگیا

وہ ہاتھ مل کے کہتے ہیں کیا یار مر گیا

دام بلائےعشقکی وہ کشمکش رہی

ایک اک پھڑک پھڑک کے گرفتار مرگیا

آنکھیں کھلیہوئی پس مرگ اس لئے

جانے کوئی کہ طالب دیدار مرگیا

جس سے کیا ہے آپ نے اقرار جی گیا

جس نے سنا ہے آپ سے انکار مرگیا

کس بیکسی سے داغؔ نے افسوس جان دی

پڑھ کر ترے فراق کے اشعار مرگیا

 داغ دھلوی  

Ghustakhiyaan karay lab e Khamosh Naqsh pa Urdu Poetry By Dagh Dehlawi ghazal

دیکھو جو مسکراکے تم آغوش نقش پا

گستاخیوں کرے لب خاموش نقش پا

پائی مرے سراغ سے دشمن نے راہ دوست

اے بیخودی مجھے نہ رہا ہوش نقش پا

میں خاکسار عشق ہوں آگاہ رازِ عشق

میری زباں سے حال سنے گوش نقش پا

آئے بھی وہ چلےبھی گئے مری راہ سے

میں نا مراد والہ و مدہوش نقش پا

یہ کون میرے کوچہ سے چھپ کر نکل گیا

خالی نہیں ہے فتنوں سے آغوش نقش پا

یہ داغؔ کی تو خاک نہیں کوئے یار میں

اک نشہ وصال ہے آغوش نقش پا

٭٭٭

 داغ دھلوی  

Woh khuch nahi kahta hai ka main kuch nahi kahta Urdu Poetry By Dagh Dehlawi ghazal

یہ قول کسی کا ہے کہ میں کچھ نہیں کہتا

وہ کچھ نہیں کہتا ہے کہ میں کچھ نہیں کہتا

سن سن کے ترے عشق میں اغیار کے طعنے

میرا ہی کلیجا ہے کہ میں کچھ نہیں کہتا

ان کا یہی سننا ہے کہ وہ کچھ نہیں سنتے

میرا یہی کہنا ہے کہ میں کچھ نہیں کہتا

خط میں مجھے اوّل تو سنائی ہیں ہزاروں

آخر میں یہ لکھا ہے کہ میں کچھ نہیں کہتا

پھٹتا ہے جگر دیکھ کے قاصد کی مصیبت

پوچھوں تو یہ کہتا ہے کہ میں کچھ نہیں کہتا

یہ خوب سمجھ لیجئے  غماز وہی ہے

جو آپ سے کہتا ہے کہ میں کچھ نہیں کہتا

تم کو یہی شایاں ہے کہ تم دیتے ہو دشنام

مجھ کو یہی زیبا ہے کہ میں کچھ نہیں کہتا

مشتاق بہت ہیں مرے کہنے کے پر اے داغؔ

یہ وقت ہی ایسا ہے کہ میں کچھ نہیں کہتا

٭٭٭

 داغ دھلوی  

AAena tasveer ka tara na lekar rakh diya Urdu Poetry By Dagh Dehlawi ghazal

آئینہ تصویر کا تیرے نہ لے کر رکھ دیا

بو سے لینے کے لئے کعبے میں پتھر رکھ دیا

ہم نے ان کے سامنے اول تو خنجر رکھ دیا

پھر کلیجا رکھ دیا دل رکھ دیا سر رکھ دیا

زندگی میں پاس سے دم بھر نہ ہوتے تھے جدا

قبر میں تنہا مجھے یاروں نے کیونکر رکھ دیا

دیکھئے اب ٹھوکریں کھاتی ہے کس کس کی نگاہ

روزن دیوار میں ظالم نے پتھر رکھ دیا

زلف خالی ہاتھ خالی کس جگہ ڈھونڈیں اسے

تم نے دل لے کر کہاں اے بندہ پرور رکھ دیا

داغؔ کی شامت جو آئی اضطراب شوق میں

حال دلکمبخت نے سب ان کے منہ پر رکھ دیا

٭٭٭

داغ دھلوی  

kia zooq ha k shoq ha so martba dakhun Urdu Poetry By Dagh Dehlawi ghazal

کیا ذوق ہے کہ شوق ہے سو مرتبہ دیکھوں

پھر بھی یہ کہوں جلوہ جاناں نہیں دیکھا

محشر میں وہ نادم ہوں خدا یہ نہ دکھائے

آنکھوں نے کبھی اس کو پشیماں نہیں دیکھا

ہر چند ترے ظلم کی کچھ حد نہیںظالم

پر ہم نے کسی شخص کو نالاں نہیں رکھا

ملتا نہیں ہم کو دل گم گشتہ ہمارا

تو نے تو کہیں اے غم جاناں نہیں دیکھا

لو اور سنو کہتے ہیں وہ دیکھ کے مجھکو

جو حال سنا تھا وہ پریشان نہیں دیکھا

کیا پوچھتے ہو کون ہے یہ کسی کی ہے شہرت

کیا تم نے کبھی داغؔ کا دیوان نہیں دیکھا

داغ دھلوی  

Muhabbat main kary kia kuch kisi say ho nahi sakta Urdu Poetry By Dagh Dehlawi ghazal

محبت میں کرے کیا کچھ کسی سے ہو نہیں سکتا

مرا مرنا بھی تو میری خوشیسے ہو نہیں سکتا

کیا ہے وعدہ فردا انہوں نے دیکھئے کیا ہو

یہاں صبر و تحمل آج ہی سے ہو نہیں سکتا

چمن میں ناز بلبل نے کیا جب اپنے نالے پر

چٹک کر غنچہ بولا کیا کسی ہے ہو نہیں سکتا

نہ رونا ہے طریقہ کا نہ ہنسنا ہے سلیقےکا

پریشانی میں کوئی کا جی سے ہو نہیں سکتا

ہوا ہوں اس قدر محبوب عرض مدعا کر کے

اب تو عذر بھی شرمندگی سے ہو نہیں سکتا

خدا جب دوست ہے اے داغؔ کیا دشمن سے اندیشہ

ہمارا کچھ کسی کی دشمنی سے ہو نہیں سکتا

داغ دھلوی  

Sitam hi karna jafa hi karna nigah e ulfat kabhi na karna Urdu Poetry By Dagh Dehlawi ghazal

ستم ہی کرنا جفا ہی کرنا نگاہ الفت کبھی نہ کرنا

تمھیں قسم ہے ہمارے سر کی ہمارے حق میں کمی نہ کرنا

ہماری میت پہ تم جو آنا تو چار آنسو گرا کے جانا

ذرا رہے پاس آبرو بھی نہیں ہماری ہنسی نہ کرنا

کہاں کا آنا کہاں کا جانا وہ جانتے ہی نہیں یہ رسمیں

وہاں ہے وعدے کی بھی یہ صورت کبھی تو کرنا کبھی نہ کرنا

نہیں ہے کچھ قتل ان کا آساں یہ سخت جاں ہیں بری بلا کے

قضا کو پہلے شریک کرنا یہ کام اپنی خوشی نہ کرنا

مری تو ہے بات زہر ان کو وہ ان کے مطلب ہی کی نہ کیوں ہو

کہ ان سے جو التجا سے کہنا غضب ہے ان کو وہی نہ کرنا

وہ ہے ہمارا طریق الفت کہ دشمنوں سے بھی مل کے چلنا

یہ ایک شیوہ ترا ستمگر کہ دوست سے دوستی نہ کرنا

ہم ایک رستہ گلی کا اس کی دکھا کے اس کو ہوئے پشیماں

یہ حضرت خضر کو جتا دو کسی کی تم رہبری نہ کرنا

بیاں درد فراق کیا کہ ہے وہاں اپنی یہ حقیقت

جو بات کرنی تو نالہ کرنا نہیں تو وہ بھی کبھی نہ کرنا

مدار ہے ناصحو تمھی پر تمام اب اس کی منصفی کا

ذرا تو کہنا خدا لگی بھی فقط سخن پروری نہ کرنا  

داغ دھلوی  

Tu jan lyay ya hath say eman phir gaya Urdu Poetry By Dagh Dehlawi ghazal

محشر میں داد خواہ جو اے دل نہ تو ہوا

تو جان لے یہ باتھ سے ایمان پھر گیا

چھپ کر کہاں گئے تھے وہ شب کو کہ میرے گھر

سو بار آ کے ان کا نگہبان پھر گیا

رونق جو آ گئی پسینے سے موت کے

پانی ترے مریض پر اک آن پھر گیا

گریے نے ایک دم میں بنا دی وہ گھر کی شکل

میری نظر میں صاف بیابان پھر گیا

لائے تھے کوئے یار سے ہم داغؔ کو ابھی

لو اس کی موت آئی وہ نادان پھر گیا

داغ دھلوی  

Gazab kia taray waday ka intzar kia Urdu Poetry By Dagh Dehlawi ghazal

غضب کیا تیرے وعدے کا اعتبار کیا

تمام رات قیامت کا انتظار کیا

کسی طرح جو نہ اس بت نے اعتبار کیا

مری وفا نے مجھے خوب شرمسار کیا

وہ دل کو تاب کہاں ہے کہ ہو مال اندیش

انہوں نے وعدہ کیا اس نے اعتبار کیا

نہ اس کے دل سے مٹایا کہ صاف ہو جاتا

صبا نے خاک پریشاں مرا غبار کیا

تری نگاہ کے تصور میں ہم نے اے قاتل

لگا لگا کے گلے سے چھری کوپیار کیا

ہوا ہے کوئی مگر اس کا چاہنے والا

کہ آسماں نے ترا شیوہ اختیار کیا

نہ پوچھ دل کی حقیقت مگر یہ کہتے ہیں

وہ بے قرار رہے جس نے بے قرار کیا

وہ بات کر جو کبھی آسماں سے ہو نہ سکے

ستم کیا تو بڑا تو نے افتخار کیا

٭٭٭

 داغ دھلوی  

kahta bura hi Aasheqi ka Urdu Poetry By Dagh Dehlawi ghazal

بنتی ہے بری کبھی جو دل پر

کہتا ہوں برا ہو عاشقی کا

ماتم سے مرے وہ دل میں خوش ہیں

منہ پر نہیں نام بھی ہنسی کا

اتنا ہی تو بس کسر ہے تم میں

کہنا نہیں مانتے کسی کا

ہم بزم میں ان کی چپکے بیٹھے

منہ دیکھتے ہیں ہر آدمی کا

جو دم ہے وہ ہے بسا غنیمت

سارا سودا ہے جیتے جی کا

آغاز کو کون پوچھتا ہے

انجام اچھا ہو آدمی کا

روکیں انہیں کیا کہ ہے غنیمت

آنا جانا کبھی کبھی کا

ایسے سے جو داغؔ نے نباہی

سچ ہے کہ یہ کام تھا اسی کا

٭٭٭

داغ دھلوی   

Tumhary khat main naya ek salam kis ka tha A Beautiful Urdu Poetry By Dagh Dehlawi ghazal

تمھارے خط میں نیا اک سلام کس کا تھا

نہ تھا رقیب تو آخر وہ نام کس کا تھا

وہ قتل کر کے مجھے ہر کسی سے پوچھتے ہیں

یہ کام کس نے کیا ہے، یہ کام کس کا تھا

وفا کریں گے، نباہیں گے، بات مانیں گے

تمھیں بھی یاد ہے کچھ، یہ کلام کس کا تھا

رہا نہ دل میں وہ بےدرد اور درد رہا

مقیم کون ہوا ہے، مقام کس کا تھا

نہ پوچھ گچھ تھی کسی کی وہاں نہ آؤ بھگت

تمھاری بزم میں کل اہتمام کس کا تھا

تمام بزم جسے سن کے رہ گئی مشتاق

کہو، وہ تذکرۂ نا تمام کس کا تھا

گزر گیا وہ زمانہ، کہوں تو کس سے کہوں

خیال دل کو مرے صبح و شام کس کا تھا

ہر اک سے کہتے ہیں کیا داغؔ بے وفا نکلا

یہ پوچھے ان سے کوئی وہ غلام کس کا تھا

٭٭٭

داغ دھلوی  

Khatir say ya lihaz say main man tu gaya , jhoti qasam say Aap ka eman tu gaya A Beautiful Urdu Poetry By Dagh Dehlawi ghazal

خاطر سے یا لحاظ سے میں مان تو گیا

جھوٹی قسم سے آپ کا ایمان تو گیا

دل لےکے مفت کہتے ہیں کہ کام کا نہیں

اُلٹی شکایتیں ہوئیں، احسان تو گیا

دیکھاہے بُت کدے میں جو اے شیخ، کچھ نہ پوچھ

ایمان کی تو یہ ہے کہ ایمان تو گیا

افشائےرازِ عشق میں گو ذلتیں ہوئیں

لیکن اُسےجتا تو دیا، جان تو گیا

گو نامہبر سے خوش نہ ہوا، پر ہزار شکر

مجھ کووہ میرے نام سے پہچان تو گیا

بزمِ عدومیں صورت پروانہ دل میرا

گو رشکسے جلا تیرے قربان تو گیا

ہوش وہواس و تاب و تواں داغؔ جا چکے

اب ہم بھی جانے والے ہیں سامان تو گیا

داغ دھلوی  

But ko but or Khuda ko jo Khuda kahtay hain A Beautiful Urdu Poetry By Dagh Dehlawi ghazal

بت کو بت اور خدا کو جو خدا کہتے ہیں

ہم بھی دیکھیں تو اسے دیکھ کے کیا کہتے ہیں

ہم تصور میں بھی جو بات ذرا کہتے ہیں

سب میں اڑ جاتی ہے ظالم اسے کیا کہتے ہیں

جو بھلے ہیں وہ بروں کو بھی بھلا کہتے ہیں

نہ برا سنتے ہیں اچھے نہ برا کہتے ہیں

وقت ملنے کا جو پوچھا تو کہا کہہ دیں گے

غیر کا حال جو پوچھا تو کہا کہتے ہیں

نہیں ملتا کسی مضمون سے ہمارا مضمون

طرز اپنی ہے جدا سب سے جدا کہتے ہیں

پہلے تو داغؔ کی تعریف ہوا کرتی تھی

اب خدا جانے وہ کیوں اس کو برا کہتے ہیں

داغ دھلوی