"Rah-Guzar K Charagh Hain Hum Log" A Beautiful Urdu Ghazal By saghar Siddiqui

رہگزر کے چراغ ہیں ہم لوگ

آپ اپنا سراغ ہیں ہم لوگ

جل رہے ہیں نہ بجھ رہے ہیں دوسر

کس کے سینے کا داغ ہیں ہم لوگ

خود تہی ہیں مگر پلاتے ہیں

مے کدے کے ایاغ ہیں ہم لوگ

دشمنوں کو بھی دوست کہتے ہیں

کتنے عالی دماغ ہیں ہم لوگ

چشمِ تحقیر سے نہ دیکھ ہمیں

دامنوں کا فراغ ہیں ہم لوگ

ایک جھونکا نصیب ہے ساغر

اس گلی کے چراغ ہیں ہم لوگ

ساغر صدیقی