"Mangi Hai Is Diyar Mai Dono Jahan Ki Bheek"A Beautiful Urdu Poetry By saghar Siddiqui

مانگی ہے اس دیار میں دونوں جہاں کی بھیک

لیکن ملی ہمیں دل_ ناکامراں کی بھیک

ایسے بھی راہ_ زیست میں آۓ کئی مقام

مانگی ہے پاۓ شوق نے عزمِ جواں کی بھیک

بے نور ہو گئی ہیں ستاروں کی بستیاں

ساقی عطا ہو بادۂ شعلہ فشاں کی بھیک

اب اور کیا تغیرء تقدیر چاہیے

جھولی میں ڈال دی ترے نام و نشاں کی بھیک

خود بک گئے حیات کی نیلام گاہ میں

وہ بانٹتے تھے جو کبھی کون و مکاں کی بھیک

دو چار پتیوں پہ ہے رنجش بہار سے

سائل نے مانگ لی ہے کہاں گلستاں کی بھیک

اللہ ان کے نقش_ کف_ پا کی خیر ہو

ذروں کو دے گئے جو مہ و کہکشاں کی بھیک

ساغر خوشا کہ گوھرء امید پا لیا

قسمت سے ہات آئی غمء دوستاں کی بھیک

  ساغر صدیقی