Sada Jo Dil Say Nikli Ho Zabaan Par Lay Hi Aata Hun A Feautiful Urdu Poetry

 صدا جو دل سے نکلی ہو زباں پر لے ہی آتا ہوں

سنو اے صاحبان علم و فن  میں کیا سناتا ہوں

ملی اجداد سے میرے یہ ہی میراث ہے مجھ کو

میں اک  مزدور کابیٹا ہوں محنت کرکے کھاتاہوں

شکم کی آگ کے آگے تپش سورج کی بے معنی

اسی کو سرد کرنے کو پسینے  میں نہاتا ہوں

امیر شہر کے اطوار سے اب آگیا۔۔۔۔۔۔۔۔۔ عاجز

کہ وہ آنکھیں دکھاتاہے جو اجرت لینے جاتا ہوں

مرے بچے مجھے جب شام کو آتا ہوا دیکھیں

 خوشی سے مسکراتے ہیں میں غم میں ڈوب جاتا ہوں

مرے ان پھول سےچہروں کو بھی فاقے کی عادت ہے

میں ا پنے پیٹ کے پتھر  انھیں اکثر دکھا تا ہوں

بوقت شب یہاں جب بھوک سے یہ تلملاتے ہیں

 میں کنکر ڈال کر برتن میں پھر چولھا جلاتا ہوں

عمر کوئی نہ آئے گا کمر پر لاد کر ۔۔۔بوری

ذرا اب چین سے سوجا ثمر  تم کو بتاتا ۔۔۔۔۔۔ ہوں