Wafa Main Ab Ya Hunar Ikhtyar Karna Hai " A Beautiful Urdu Ghazal By Mohsin Naqvi,

وفا میں اب یہ ہنر اختیار کر نا ہے

وہ سچ کہے نہ کہے ، اعتبار کرنا ہے

یہ تجھ کو جاگتے رہنے کا شوق کب سے ہوا

مجھے تو خیر ترا انتظار کرنا ہے

ہوا کی زد میں جلانے ہیں آنسووں کے چراغ

کبھی یہ جشن سر_ راہ گزار کرنا ہے

مثال _شاخ _برہنہ ، خزاں کی رت میں کبھی

خود اپنے جسم کو بے برگ و بار کرنا ہے

تیرے فراق میں دن کس طرح کٹیں اپنے

کہ شغل _شب تو ستارے شمار کرنا ہے

کبھی تو دل میں چھپے زخم بھی نمایاں ہوں

قبا سمجھ کے بدن تار تار کرنا ہے

خدا خبر یہ کوئی ضد کہ شوق ہے محسن

خود اپنی جان کے دشمن سے پیار کرنا ہے