Chori Main Dil Ki Woh hunar kar Giya '''A Beautiful Urdu poetry By Mir Taqi Mir

چوری میں دل کی وہ ہنر کر گیا

دیکھتے ہی آنکھوں میں گھر کر گیا

دہر میں میں خاک بسر ہی رہا

عمر کو اس طور بسر کر گیا

دل نہیں ہے منزل سینہ میں اب

یاں سے وہ بیچارہ سفر کر گیا

حیف جو وہ نسخۂ دل کے اپر

سرسری سی ایک نظر کر گیا

کس کو مرے حال سے تھی آگہی

نالۂ شب سب کو خبر کر گیا

گو نہ چلا تا مژہ تیر نگاہ

اپنے جگر سے تو گذر کر گیا

مجلس آفاق میں پروانہ ساں

میرؔ بھی شام اپنی سحر کر گیا

میر تقی میر