'' Nahi ha yuon ka mara dukh mari hudood main ha '' urdu nazam by Ahmad faraz نہیں ہے یوں کہ مرا دُکھ مری حدود میں ہے نہ صرف دل ہی دریدہ نہ صرف جاں ہی فگار

نہیں ہے یوں

نہیں ہے یوں کہ مرا دُکھ مری حدود میں ہے

نہ صرف دل ہی دریدہ نہ صرف جاں ہی فگار

نہ صرف دیکھتی آنکھوں میں حسرتوں کا دھواں

نہ صرف ہاتھ شکستہ نہ سر پہ زخم ہزار

جو یوں بھی ہو تو بڑی بات ہے تری قربت

تری وفا تری چاہت تری مسیحائی

ہر ایک زخم کو دھو دے شفیق ہاتھوں سے

ہر ایک درد کو چن لے تری دل آرائی

مگر یہ درد یہ دُکھ کب مری حدود میں ہے

کہاں نہیں مرا پیکر ہاں نہیں یہ فغاں

تو اک وجود کو زندہ تو کر چکے لیکن

ہر اک صلیب پہ میرا ہی جسم آویزاں

ہر ایک تیرِ ستم پر مرا لہو لرزاں

کسے کسے تُو بچائے گی اے مری درماں

٭٭٭

 احمد فراز