روش صدیقی
روش صدیقی کا حقیقی نام شاہد عزیز صدیقی
تھا۔ یہ ۱۰/جولائی ۱۹۱۱ء کو جوالا پور، ضلع سہارن پور میں پیدا ہوئے تھے۔ ہردوار کی
درس گاہ گُرُوکُل کانگڑی بھی یہیں ہے جہاں روش نے سنسکرت کی تعلیم حاصل کی۔ پھر
اردو ،فارسی، عربی کی تعلیم حاصل کی۔ ۔ روش نے ۱۹۴۷ء میں آزادی کے بعد جوالا پور
سے نکل کر مرادآباد میں سکونت اختیار کرلی۔ ۱۹۵۵ء میں مرادآباد سے دہلی آئے اور آل
انڈیا ریڈیو میں اردو کے چیف پروڈیوسر بن گئے تھے۔ ۲۲/جنوری ۱۹۷۱ء کو روش صدیقی ایک
مشاعرے میں شرکت کے لیے شاہجہاں پور گئے۔ یہیں پر کلام سناتے ہوئے دل کا شدید دورہ
پڑا۔ ۲۳/جنوری ۱۹۷۱ء کو وہ انتقال کر گئے تھے۔ ان کی غزلیات کا مجموعہ ’’محراب غزل‘‘
۱۹۵۹ء میں دلی سے طبع ہوا تھا حالانکہ ان کے نوشتہ کلام کا اکثر حصہ اب بھی غیر
مطبوعہ ہے۔
No comments:
Post a Comment