Aafaq ko manzil say gaya kon salamat '' A beautiful urdu ghazal by mir taqi mir

جس سر کو غرور آج ہے یاں تاج وری کا​
کل اُس پہ یہیں شور ہے پھر نوحہ گری کا​

                                          شرمندہ ترے رُخ سے ہے رخسار پری کا​
                                          چلتا نہیں کچھ آگے ترے کبک دری کا​

آفاق کی منزل سے گیا کون سلامت​
اسباب لٹا راہ میں یاں ہر سَفَری کا​

                                         زنداں میں بھی شورش نہ گئی اپنے جنوں کی​
                                                 اب سنگ مداوا ہے اس آشفتہ سری کا​

ہر زخمِ جگر داورِ محشر سے ہمارا​
انصاف طلب ہے تری بیداد گری کا​

                                           لے سانس بھی آہستہ کہ نازک ہے بہت کام​
                                                     آفاق کی اس کارگہِ شیشہ گری کا​

ٹک مِیر جگر سوختہ کی جلد خبر لے​
کیا یار بھروسا ہے چراغِ سحَری کا​

                                                                  میر تقی میر