hazar khoof ho lakin zabaan ho dil ki rafeeq' qalandroon ka treeq yahi raha ha azal sy "A Beautiful Ghazal by Allama Muhammad Iqbal

ہزار خوف ہو لیکن زباں ہو دل کی رفیق

یہی رہا ہے ازل سے  قلندروں کا طریق

ہجوم کیوں ہے زیادہ شراب خانے میں
 فقط یہ بات کہ پیر مغاں ہے مرد خلیق

علاجِ ضعفِ یقیں ان سے ہو نہیں سکتا
 غریب اگرچہ ہیں رازی کے نکتہ ہائے دقیق

مرید سادہ تو رو رو کے ہو گیا تائب
 خدا کرے کہ ملے شیخ کو بھی یہ توفیق

اسی طلسمِ کہن میں اسیر ہے آدم
 بغل میں اس کی ہیں اب تک بتانِ عہدِ عتیق

مرے لیے تو ہے اقرار باللساں بھی بہت
ہزار شکر کہ مُلّا ہیں  صاحبِ تصدیق

اگر ہو عشق تو ہے کفر بھی مسلمانی
 نہ ہو تو مردِ مسلماں بھی کافر و زندیق

علامہ محمد اقبال رحمہ اللہ تعالی