har cheez ha mahwa khud namai''A Beautiful Ghazal by Allama Muhammad Iqbal

ہر چیز ہے محو خود نمائی

 ہر ذرہ شہید کبریائی

بے ذوق نمود زندگی ، موت                                       

                                           تعمیر خودی میں ہے خدائی

رائی زور خودی سے پربت

 پربت ضعف خودی سے رائی

تار ے آوارہ و کم آمیز                                                       

                                                     تقدیر وجود ہے جدائی

یہ پچھلے پہر کا زرد رو چاند

 بے راز و نیاز آشنائی

تیری قندیل ہے ترا دل                                       

                                            تو آپ ہے اپنی روشنائی

اک تو ہے کہ حق ہے اس جہاں میں

 باقی ہے نمود سیمیائی

ہیں عقدہ کشا یہ خار صحرا                                        

                                                کم کر گلہ برہنہ پائی

علامہ محمد اقبال رحمہ اللہ تعالی