رنج پر
رنج دئے جاتے ہیں
اپنی
کرنی وہ کئے جاتے ہیں
ہم جو
الزام دئیے جاتے ہیں
اپنے دل
میں وہ لئے جاتے ہیں
مرگِ
عاشق کا تُمھیں کیوں غم ہو
جینے
والے تو جئے جاتے ہیں
زخم اُس
تیغ کے ہیں دامن دار
کس سے
یہ چاک سئے جاتے ہیں
ہم تری
بزم میں تنہا بیٹھے
خون کے
گھونٹ پئے جاتے ہیں
اُن کو
حیرت ہے کہ عاشق کیونکر
ہم پہ
مر مر کے جئے جاتے ہیں
ہاتھ کب
اہلِ سخاوت کا رُکا
بے طلب
بھی وہ دئیے جاتے ہیں
وہ جواب
اُس کا ہمیں دیں کہ نہ دیں
اُن سے
ہم بات کئے جاتے ہیں
داغ سے
مل کے یہ پوچھا اُس نے
کس لئے
آپ جئے جاتے ہیں
No comments:
Post a Comment