jama e masti ishaq apna magar kam gheer tha '' A beautiful urdu ghazal by mir taqi mir

جامۂ مستی عشق اپنا مگر کم گھیر تھا

دامن تر کا مرے دریا ہی کا سا پھیر تھا

دیر میں کعبے گیا میں خانقہ سے اب کی بار

راہ سے میخانے کی اس راہ میں کچھ پھیر تھا

بلبلوں نے کیا گل افشاں میرؔ کا مرقد کیا

دور سے آیا نظر تو پھولوں کا اک ڈھیر تھا

حال دل میرؔ کا رو رو کے سب  اے ماہ سنا

شب کو القصہ عجب قصۂ جانکاہ سنا

نابلد ہو کے رہ عشق میں پہنچوں تو کہیں

ہمرہ خضر کو یاں کہتے ہیں گمراہ سنا

کوئی ان طوروں سے گذرے ہے ترے غم میں مری

گاہ تو نے نہ سنا حال مرا گاہ سنا

خواب غفلت میں ہیں یاں سب تو عبث جاگا میرؔ

بے خبر دیکھا انھیں میں جنھیں آگاہ سنا

میر تقی میر