Ab ka hum bichrain tu shayad kabhi khawaboon main milain '' A Beautiful urdu nazam by Ahmad faraz

اب کے ھم بچھڑے تو شاید کبھی خوابوں میں ملیں

جس طرح سُوکھے ھُوئے پُھول کتابوں میں ملیں

ڈھونڈ اجڑے ھُوئے لوگوں میں وفا کے موتی

یہ خزانے تُجھے مُمکن ھے خَرابوں میں ملیں

غمِ دنیا بھی غمِ یار میں شامل کر لو

نشّہ بڑھتا ھے شرابیں جب شرابوں میں ملیں

تُو خدا ھے نہ مرا عشق فرشتوں جیسا

دونوں انساں ھیں تو کیوں اتنے حجابوں میں ملیں؟؟

آج ھم دار پہ کھینچے گئے جن باتوں پر

کیا عجب کل وہ زمانے کو نَصابوں میں ملیں

اب نہ وہ میں ہُوں نہ وہ تُو ہے نہ وہ ماضی ہے فراز

جیسے دو شخّص تمنا کے سرابوں میں ملیں.

احمد فراز