Tu Behi Mary Duwa Say milti Nahi Ajabt Urdu Ghazal By mir taqi mir

ہر صبح دم کروں ہوں الحاح با انابت

تو بھی مری دعا سے ملتی نہیں اجابت

مت لے حساب طاقت  اے ضعف مجھ سے ظالم

لائق نہیں ہے تیرے یہ کون سی ہے بابت

کیا کیا لکھا ہے میں نے وہ میرؔ کیا کہے گا

گم ہووے نامہ بر سے یارب مری کتابت

نہ پایا دل ہوا روز سیہ سے جس کا جا لٹ پٹ

کسو کی زلف ڈھونڈی مو بہ مو کا کل کو سب لٹ لٹ

تو کن نیندوں پڑا سوتا تھا دروازے کو موندے شب

میں چوکھٹ پر تری کرتا رہا سر کو پٹک کھٹ کھٹ

چٹیں لگتی ہیں دل پر بلبلوں کے باغباں تو جو

چمن میں توڑتا ہے ہر سحر کلیوں کے تیں چٹ چٹ

ترے ہجراں کی بیماری میں میرؔ ناتواں کو شب

ہوا ہے خواب سونا آہ اس کروٹ سے اس کروٹ