تقسیم میراث فتویٰ

کیا فرماتے ہیں مفتیانِ کرام اس مسئلہ کے بارے میں کہ  شاہ زادہ  کا انتقال ہوا ہے انتقال کے وقت  زندہ ورثاء میں سے چھ بیٹیاں ،والدہ اور سات بھائی اور دو بہنیں  تھی ۔برائے مہربانی ان میں مرحوم کا ترکہ کیسے تقسیم ہوگا ۔

                                                                           المستفتی:مرزا خان ۔

بسم اللہ الرحمٰن الرحیم

الجواب حامدا و مصلیا

     صورت  مسؤلہ میں  مرحوم (شاہ زادہ ) نے اپنے انتقال کے وقت اپنی ملکیت میں جو کچھ منقولہ و غیرمنقولہ مال و جائیداد(مکان وغیرہ) ،نقد رقم، سونا چاندی ،مال ِ تجارت اور ہر طرح کا چھوٹا بڑا  جو ساز و سامان چھوڑا ہے  ۔وہ سب مرحوم کا ترکہ ہے ۔اس میں سب سے پہلے مرحوم  کے کفن ودفن کے متوسط مصارف ادا کئے جائیں۔اگر یہ اخراجات کسی نے احسان کے طور پر ادا کیے ہوں تو  یہ اخراجات ترکہ سے نہیں نکالے جائیں گے،البتہ اگر مرحوم کے ذمہ کوئی قرض واجب الاداء ہو تو اس کو ادا کریں۔پھر اگر انہوں نے کوئی جائز و صیت کی ہے تو باقی ماندہ ترکہ کے ایک تہائی تک اسے پورا کیا جائے پھر جو ترکہ بچ جائے اسکو (288) برابر حصَوں میں تقسیم  کرکےہر بیٹی کو بتیس /بتیس(32) حصے،والدہ کواٹھتالیس  48 حصے ،اور ہر بھائی کو چھ/چھ(6) حصے اور دونوں بہنوں کو تین/تین(3) حصے دیے جائیں گے ۔

            فیصد کے اعتبار سے ہر بیٹی کا حصہ۔/٪11.11 فیصد،والدہ کاحصہ ۔/٪16.66 فیصد ،اور ہر بھائی کا حصہ ۔/٪2.08 فیصد اور دونوں بہنوں کا حصہ ۔/٪1.04 فیصد بنتا ہے ۔

         مسئلہ:   6/288                                                 مرحوم شاہ زادہ

ميت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رشتہ:	ہر بیٹی کو	والدہ	ہر بھائی کو	ہر بہن کو
عددی حصہ:	32	48	6	3
فیصدی حصہ:	۔/٪11.11	۔/٪16.66	۔/٪2.08	۔/٪1.04

                                                                                   واللہ خیر الوارثین