ظلم و ناانصافی سے بچنے کے لئے رشوت دینے میں گنجائش ہے

سوال :    کیا فر ماتے ہیں مفتیان کرام اس مسئلہ کے بارے میں  کہ  زید کے والد  دوران سروس فوت ہوگئے  ہیں ۔ حکومت  پاکستان کے قانون کے  مطابق انکا بیٹا بھرتی ہوتا ہے ۔لیکن محکمہ کے افسران آرڈر کرنے کے لئے رشوت کا مطالبہ کرتے ہیں ۔کیا اس صورت  میں زید اپنا حق قانونی حاصل کرنے کے لئے ان کو رشوت دے سکتا ہے  یا نہیں؟

            قرآن و سنت کی روشنی میں وضاحت فر مائیں ۔

بسم اللہ الرحمٰن الرحیم

الجواب حامدا و مصلیا

          اگر کام کرنے والوں پر آپ کا حق ہو اور وہ کام کرے ،جیساکہ آپ نے لکھا ہے قانونی طور پر  اس ملازم کا بیٹا باپ کی جگہ  بھرتی ہوتا ہے،  اور یہ اسکا حق ہے  ۔اور کام بھی جائز ہو  ، اسکا  مقصود  دوسروں   پر زیادتی بھی نہ ہو تو اپنا  جائز  قانونی حق حاصل کرنے اور ظلم  و ناانصافی سے  بچنے کے لئے  رشوت دیتا ہےتو  اس میں  گنجائش ہے ۔ لیکن رشوت لینا بہر حال حرام ہے۔

  و في فتح القدير :كتاب اداب القاضي ،(16/314)    

                           

ما يدفع لدفع الخوف من المدفوع إليه على نفسه وماله حلال للدافع حرام على الآخذ ، لأن دفع الضرر عن المسلم واجب ولا يجوز أخذ المال ليفعل الواجب۔

وفی الدر المختار مع حاشية ابن عابدين (رد المحتار) [مطلب في الكلام على الرشوة والهدية](5/362)

ما يدفع لدفع الخوف من المدفوع إليه على نفسه أو ماله حلال للدافع حرام على الآخذ؛ لأن دفع الضرر عن المسلم واجب ولا يجوز أخذ المال ليفعل الواجب۔

و فی بذل المجهود  : (6/307)

فاذا اعطي ليتوسل به الي الحق او يدفع عن نفسه ظلما فانه غير داخل في هذه الوعيد۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔  فقط.

                                                      واللہ سبحانہ وتعالیٰ أعلم بالصواب