Jazbati Sarif Khatun '' A Beautifull Urdu Ghazal By Raees Farogh

جذباتی شریف خاتون

جذبوں سے بھری ہوئی تم

موجود ہو

مگر میں نہ دیکھوں

تو پھر تم کہیں بھی نہیں

ہم ایک ایسے لمحے میں زندہ ہیں

جب کہ ہماری سوچ سے مفہوم کی پھوہار گرتی ہے

اسی لیے تو میں نے لمبا سفر کیا

لمبے سفر کے بعد میں تمہارے بالکل قریب آ گیا ہوں

ہاں جو کچھ میں نے کہا

اور جو کچھ میں نے چاہا

وہ سبھی کچھ مجھے تیزی سے یاد آتا ہے

جب میں تمہارے ساتھ ہوتا ہوں

چودہ مسرتیں اور ایک ارادہ خوش رہنے کا

اور یوں تو کہنے کو بہت کچھ ہے

جذباتی شریف ہوا

ایک بار پھر میری زندگی میں چل رہی ہے

جذباتی شریف خاتون

                                    رئیس فروغ