faqeer ban kar tum un k dar par hazaroon duhni rama k bathoo''A Beautiful urdu nazam by ibn e insha

فقیر بن کر تم ان کے در پر ہزار دھونی رما کے بیٹھو

جبیں کے لکھے کو کیا کرو گے جبیں کا لکھا مٹا کے بیٹھو

اے ان کی محفل میں آنے والو اے سو دو سو دام  بتانے والو

جو ان کی محفل میں آ کے بیٹھو تو ساری دنیا بھلا کے بیٹھو

بہت جتاتے ہو چاہ ہم سے مگر کرد گے نباہ ہم سے

ذرا ملاؤ نگاہ ہم سے ، ہمارے پہلو میں آ کے بیٹھو

جنوں پرانا ہے عاشقوں کا جو یہ بہانہ ہے عاشقوں کا

تو اک ٹھکانا ہے عاشقوں کا حضور جنگل میں جا کے بیٹھو

ہمیں دکھاؤ زرد چہرا ، لیے یہ وحشت کی گرد چہرا

رہے گا تصویر درد چہرا جو روگ ایسے لگا کے بیٹھو

جناب انشا یہ عاشقی ہے جناب انشا یہ زندگی ہے

جناب انشا جو ہے یہی ہے نہ اس سے دامن چھڑا کے بیٹھو

ابن انشاء