fazey norad e badil ' main say nakhal main khara tha " urdu nazam by ahmad fraz فضا نورد بادل میں سایۂ نخل میں کھڑا تھا

فضا نورد بادل

میں سایۂ نخل میں کھڑا تھا

جب ایک فضا نورد بادل

لہراتا ہُوا نظر پڑا تھا

یوں قلب و جگر سے آگ اُٹھی

برسوں کی طویل تشنہ کامی

یکلخت ہی جیسے جاگ اُٹھی

پل بھر میں بدن دہک رہا تھا

میں سایۂ نخل سے نکل کر

بادل کی طرف لپک رہا تھا

بادل تھا سمندروں کا پیاسا

یہ اس کا کرم کے چند لمحے

وہ مجھ کو بھی دے گیا دلاسا

دل پر لئے داغِ نا مرادی

چاہا کہ پلٹ چلوں ادھر ہی

جس سمت سے درد نے صدا دی

دیکھا تو رُت بھی جا چکی تھی

مایوس کن انتظار کی دھوپ

اس نخلِ وفا کو کھا چکی تھی

  احمد فراز