Him to yun khush thay k ek tar girabaan main ha '' A Beautiful urdu ghazal by Ahmad faraz

ہم تو یوں خوش تھے کہ اک تار گریبان میں ہے

کیا خبر تھی کہ بہار اس کے بھی ارمان میں ہے

ایک ضرب اور بھی اے زندگیِ تیشہ بدست

سانس لینے کی سکت اب بھی مری جان میں ہے

میں تجھے کھو کے بھی زندہ ہوں یہ دیکھا تو نے

کس قدر حوصلہ ہارے ہوئے انسان میں ہے

فاصلے قرب کے شعلوں کو ہوا دیتے ہیں

میں ترے شہر سے دُور اور تُو مرے دھیان میں ہے

سرِ دیوار فروزاں ہے ابھی ایک چراغ

اے نسیمِ سحری! کچھ ترے امکان میں ہے

دل دھڑکنے کی صدا آتی ہے گاہے گاہے

جسےد اب بھی تری آواز مرے کان میں ہے

خلقتِ شہر کے ہر ظلم کے با وصف فرازؔؔ

ہائے وہ ہاتھ کہ اپنے ہی گریبان میں ہے

احمد فراز